[A:26]pa du ma dang / bshad pa'i brgyud 'dzin byams chen sku skye ba kun dga' bkra shis rgyal mtshan/ glang thang spyan mnga' ba kun dga' rdo rje sku mched/ dro ba mkhan po mkhas pa gung ru ba shes rab bzang po/ ngam ring mkhan po kun dga' grub dang / mkhas pa sangs rgyas seng ge /mkhan chen 'jigs med grags pa/ mkhas mchog don yod dpal ba/ rab 'byams pa chen po sangs rgyas 'phel/ mkhas pa chen po nam mkha' bsod nams/ bstan pa'i gsal byed mkhas pa go bo rab 'byams pa la sogs pa gangs ri'i khrod kyi mkhas pa mtha' dag kyang nyid kyi thugs rje las bskrun par mdzad cing / gzhan yang mkhas pa dang rtogs pa'i yon tan sna re tsam dang ldan pa ni bgrang las 'das pa yin no/ /bzhi pa sku tshe'i mthar ngo mtshar ba'i mdzad pa bstan pa'i tshul ni/ de ltar pha rol tu phyin pa drug dang lam rim pa gnyis kyi rtogs pa mthar phyin pa dang / dgung lo brgyad cu gya gnyis su pheb pa dbyug pa zla ba'i nyi shu drug phan chad bsdu ba'i dngos po rnam pa bzhis 'gro ba dpag tu med pa'i don mdzad nas/ smin drug zla ba gnyis su byas pa'i snga ma'i tshes gsum gyi bar zhag bdun tsam la lho byang sogs nas byung ba'i rab byung bsnyen rdzogs zhu ba rnams la sku gzugs kyis gang lcogs gnang / gzhan chos 'phro thams cad kyang rdzogs par mdzad/ tshes gsum gyi nyin da ni bsam gtan phug tu mtshams la 'gro gsungs te pheb/ de'i nyin gser gyi 'bul ba byed pa mang du byung ba sku mdun du 'dug pa gzigs te/ gser dang bong ba mnyam zhes pa'i rnal 'byor pa tsam min te/ 'on kyang gser dang go kha'i thal ba pha gi la khyad med