[A:28] /kha seng dbyar kha nas chos 'chad pa'i dus sogs rnam pa kun tu lung pa thams cad smug pa'i rang bzhin 'char ba zhig rgyun du 'ong ba de sa chu la thim pa'i rtags yin gsung / rtags phyi ma gnyis kyi gsal kha 'di yin gsung bar mi 'dug /de nas smin drug zla ba phyi ma'i tshes gnyis kyi nyin sku gzugs kyis ma lcogs/ sku 'dab nyi ma rgas pa'i gong tsam nas bzhag pas/ de'i sang mdang nub mo sangs rgyas 'khor dang bcas pa nam mkhar bzhugs 'dug pa cung zad ma dges pa'i rnam pa can du bzhugs pa zhig byung / de sham thabs bzhag sngas pas lan par 'dug gsungs/ tshes bzhi'i nyin zhu ba nan gyis phul bas/ mkhan chen dkon blo ba sku mdun du bzhugs chog pa byung / de'i nyin sku khams shin tu bde nas gsol ja'ang mang du bzhes/ thugs dges spro'i rnam pa mdzad de/ nga la bla ma du ma yod pa'i nang nas chos rje rin po che kun dga' bzang po pa 'di sku drin shin tu che ba zhig byung / de'i rgyu mtshan spyir bod du rdo rje theg pa'i bka' srol sa skya pa'i bla ma gong ma nas brgyud pa dang / mar pa nas brgyud pa'i rngog gzhung pa'i bka' srol dang / bu ston rin po che nas brgyud pa dang / shangs pa nas brgyud pa'i ni gu'i bka' srol sogs mang du byung kyang / dus phyis de dag gang yang mi mthun pa'i rdo rje theg pa'i bka' srol gsar btsugs byung ba skye bo phal cher kyang de lta bu la dad pa mang / de la chos rje rin po che'i zhal snga nas grub mtha' snga phyi thams cad kyi gnad gzigs/ bla ma gong ma'i bka' srol bzung nas nyams len rnam dag yin min so sor phye ba 'di'i rjes su zhugs pas chog par byung / nged rang gis kyang ma 'ongs pa'i gdul bya la phan nam snyam nas rim pa gnyis kyi grub mtha'i shan 'byed 'di brtsams pa yin/ bla ma gong ma'i gsung rab 'di'i steng du go ba gzhan dang mi 'dra ba zhig shar nas yod/ de'ang chos rje rin po che'i