[A:31]kyis khyab pa'i 'gro ba rnams la'ang yid mi bde ba med par bde ba so sor thob par mdzad pa la sogs te ngo mtshar ba bskyed pa bzhin no/ /de nas de nyid du 'dus pa'i bshes gnyen dge 'dun dang bcas pa rnams kyis zhag grangs du ma'i bar du gsol ba btab nas gdung khang zhal phye ba'i tshe/ gdung rus phal che ba ni gdung log tu gyur/ ring bsrel dpag tu med pa byon pa rnams ni phal che ba dri bzang dang / dar zab kyi na bza'i bkur sti dang bcas te phyi rten nang rten rnams kyi nang du bzhugs/ gzhan ji ltar 'os pa rnams dad ldan gyi bu slob rnams la gsol ba 'debs pa'i rten du bkye ste mchod cing bsod nams gsog pa'i yul du gyur pa yin no/ /mdor na mang du smos ci dgos/ gong gi gsung nyid kyis shes te/ de'i don rnam par dpyad na bshad pa gtso bor ma mdzad par sgrub pa nyid la gzhol bar mdzad na sku lus ma spangs par phyag chen mchog gi dngos grub thob par zhal gyis bzhes par snang la/ bshad pa gtso bor mdzad pa'i rgyu mtshan gyis sku lus ma dor ba'i tshul bstan na'ang / 'chi ba 'od gsal gyi tshe mchog gi dngos grub brnyes par gdon mi za ste/ gzhi dus kyi 'byung bzhi thim rim rnams nyams kyi thim rim du bsgyur 'dug pas/ rnam par shes pa 'od gsal du thim pa'i tshe mtshon bya don gyi ye shes ngos zin pa las mi 'da' zhing / thog ma med pa nas lus ji snyed cig blangs kyang da lan gyi lus 'di las don che ba ma byung gsung ba ni so so skye bo'i lus kyi tha ma yin par zhal gyis bzhes par snang ngo / /des na bla ma dam pa 'di'i yon tan brjod kyis