[A:3]thar ma lus pa ni nam mkha'i khams ltar pha mtha' yas/ /de phyir bdag ltas grangs med lce yis bskal par brjod kyang lang ma yin/ /de lta mod kyi skyes chen mchog gi yon tan cha tsam brjod pas kyang / /rgya chen dge ba 'phel zhes gsung rab las 'byung bris pa 'di la skyon yod min/ /'dir bdag cag gi 'dren pa dam pa lha dang bcas pa'i 'jig rten kun gyi skyabs gnas/ gdan gsum tshang ba'i dkyil 'khor gyi mnga' bdag /drug pa rdo rje 'chang chen po dang dbyer ma mchis pa/ rje btsun dam pa dkon mchog rgyal mtshan dpal bzang po zhes mtshan yongs su grags pa 'di ni thog ma med pa'i dus nas nges pa lnga ldan gyi tshul gyis grol ba brnyes su zin mod/ 'on kyang gdul bya'i khams sna tshogs pa rjes su gzung ba'i phyir mdzad pa du mar sprul pa las/ zhing 'dir skal ba mnyam pa'i gdul bya rnams la thun mong du snang ba'i tshul mdo tsam zhig brjod na/