[A:4] sku skye ba bzhes shing rab tu byung ba'i tshul/ lung dang rtogs pa'i yon tan ji ltar mnga' ba/ mdzad pa phrin las kyis bstan pa dang sems can gyi don ji ltar mdzad pa/ sku tshe'i mthar ngo mtshar ba'i mdzad pa bstan pa'i tshul lo/ /de la dang po ni/ 'di ltar thos te/ bod chol kha gsum las bar gyi sa'i cha/ dbus gtsang ru bzhir grags pa'i g.yas ru byang gi cha/ mkhas grub du ma 'byon pa'i gnas mus stod stag mo gling skya zhes bya bar yab dkon mchog bzang po dang / yum nam mkha' skyong gnyis kyi sras su sa pho 'brug la sku 'khrungs pa'i tshul bstan te/ mtshan yang dkon mchog dar zhes bya bar btags/ rus sdong dang rigs zhang ste bod rgyal po'i sku zhang gi rigs so/ /de'ang chung ngu'i dus nyid nas sku tshe snga mar goms pa'i stobs kyis chos brgyad la zhen pa med par 'jig rten gyi bya ba dang 'khor ba mtha' med du gzigs shing spyod tshul thams cad kyang chos kyi spyod tshul kho nar mdzad/ dgung lo gnyis gsum bzhes pa na yum gyi rum du gzims pa'i dus su snang ba bden med du rtogs pa'i ting nge 'dzin bzang po rang shugs su skye ba dang / mngon par shes pa'ang du ma gsung / de nas bskyed bsrings te dgung lo dgu bzhes pa na mkhan chen dbang 'od bzang po dang / slob dpon dpal 'od pa la dge tshul gyi sdom pa nos te bstan pa'i sgor rab tu byung bar mdzad nas mtshan dkon mchog rgyal mtshan dpal bzang po zhes bya bar btags so/ /gnyis pa la/ lung gi yon tan dang / rtogs pa'i yon tan ji ltar mnga' ba'i tshul gnyis kyi/ dang po la/ spyir gsan sbyong mdzad pa'i tshul dang / khyad par gsung ngag