[A:5]rin po che gsan pa'i tshul gnyis kyi/ dang po ni/ de ltar tshul khrims rnam par dag pas gzhi bzung nas thos pa rgya mtsho'i pha rol du son par mdzad de/ thog mar dgung lo bcu bzhi bzhes pa'i tshe mkhan po byang seng ba sku mched kyi drung du phar phyin dang spyod 'jug la thugs sbyong mdzad/ bla ma nam chos pa la dus 'khor yongs rdzogs dang 'jigs byed kyi dbang sogs mang du gsan/ bco brgyad pa la gle lung dgon par bshad ston rgya chen po mdzad/ nyi shu bzhes pa'i tshe mus chen nam mkha'i rnal 'byor pa la gcod khrid zhus pa'i tshe thugs dam gzigs snang mang po dang / byams snying rje tshad med pa thugs rgyud la 'khrungs/ de nyid las skye med do pa nas brgyud pa sogs ma gcig gi chos skor ma lus pa gsan/ nyer gcig bzhes pa'i tshe ngam ring du pheb ste phar tshad la thugs sbyong mdzad pas tshig don ma lus pa mtha' dag thugs su chud de grwa skor yang mdzad/ nyer bzhi pa la mkhas mchog thugs rje dpal ba'i drung du lo gcig tsam bzhugs nas lung rig la legs par sbyangs pas rigs pa'i dbang phyug chen por gyur te phas kyi rgol ba gang la'ang mi 'jigs pa'i spobs pa thob/ de nas dpal ldan sa skya'i chos grwa chen por grwa skor mdzad de/ thams cad du mkhas pa'i grags pas khyab par gyur to/ /dgung lo nyer lnga pa'i tshe chos rje g.yag pa shel dkar du byon pa dang mjal te der phar phyin gyi bshad pa/ dbu ma lugs kyi sems bskyed sogs mang du gsan/ nyer drug pa la mdog gi tshwas sna zhes bya ba'i gtsug lag khang du sems dpa' chen po gzhon nu rgyal mchog pa dang mjal/ phyag phyir