[A:6]'brangs/ lung rigs la thugs sbyong mdzad/ nyer bdun bzhes pa'i tshe mus su byon te grub chen nam mkha' pa la nA ro dang / nai gu'i chos skor yongs su rdzogs par gsan/ thugs nyams bzhes pas so so'i rtags rnams thugs rgyud la yongs su rdzogs par 'khrungs/ gzhan yang de nyid las phyag chen don khrid la sogs pa phyag rgya chen po'i skor dang / yang dgon pa nas brgyud pa'i ri chos yon tan kun 'byung sogs dang / blo sbyong rtse mo gnyis pa la sogs pa'i blo sbyong gi skor 'ga' zhig dang / zhi byed ka~M lugs sogs zhi byed skor tshang ma gsan/ gzhan yang bde mchog 'jigs byed la sogs pa'i dbang yang mang du gsan par mdzad do/ /nyer brgyad bzhes pa'i dus slar yang chos rje rgyal mchog pa'i phyag phyir byon te so gcig pa'i bar du 'bral ba med par bsten/ phar tshad/ dbu ma/ mngon pa kun las btus/ 'dul ba mdo rtsa la sogs pa pha rol tu phyin pa'i gzhung lugs thams cad thugs su chud par mdzad/ khyad par dgung lo sum cu pa la dngul chu chos rdzong du gser gling pa las brgyud pa'i theg chen blo sbyong nyams khrid du zhus nas bsgoms pas byang chub kyi sems gnyis kyi rtogs pa khyad par can thugs rgyud la 'khrungs/ so gnyis pa la kun mkhyen rong po ngam ring du pheb pa dang mjal te phar tshad/ mi g.yo ba'i rjes gnang sogs mang du gsan/ so bzhi bzhes pa'i tshe bka' lnga pa dpal 'byor shes rab la rten 'brel snying po'i khrid dang / dbu ma 'jug pa'i bshad pa sogs gsan/ de'i lo slob dpon sangs blo ba gle lung mkhan por bskos/ khong na re/ khyed nged kyi ngam ring gi grwa tshang du slob