[A:7]gnyer byed dgos/ nged kyi dbon po sogs grwa pa mang la bzang ba yod gsungs kyang / tshe 'di'i che thabs la thugs bzhed med pa'i stobs kyis de ltar mi 'ong / mi che ba 'khor los sgyur rgyal gyi bu dang / nor phyug pa rnam thos kyi bu yin kyang zhe 'dod med zhus kyang / khong na re/ de tsam yin na jo nang ngam/ zhwa lu ru gsang sngags rgya chen zhig zhu ru song skad/ dgung lo so lnga pa la dbus kyi lha sar byon/ bskor ba 'bum ther song / gsag sbyang gi rnal 'byor mang du mdzad/ ya res nyang stod phyogs su pheb ste/ mkhas btsun kun gyi gtsug rgyan gangs can kun dga' dpal gyi drung du mkhan po zhus/ slob dpon chen po don grub rin chen dang / chos rje rgyal tshab pa dpon slob gnyis kyis las gsang gi slob dpon/ chos rje rgyal mchog pas grib tshod pa mdzad de/ de la sogs pa dad pa'i dge 'dun nyi shu rtsa gsum gyi dbus su bsnyen par rdzogs par mdzad do/ /gzhan yang theg chen chos kyi rgyal po rin po che/ bdag chen gzhi thog pa blo gros rgyal mtshan/ lam 'bras pa blo bzang / 'jam dbyangs rin rgyal ba/ bka' bzhi pa dpal ldan seng ge /gnas rnying pa rin rgyal/ hor bka' bzhi seng ge rgyal mtshan/ mkhan chen bstan bzang pa/ bla ma kun blo pa/ mkhan chen bstan rgyal ba/ de la sogs pa mkhas pa dang grub pa brnyes pa'i skyes bu khyad par can mang du bsten te dbang lung / man ngag sogs legs par gsan pa ni 'dir bri bar ga la nus pas gsan yig nang du blta bar bya zhing / mdor na gsan pa de dag kyang ming rkyang tsam du lus pa ma yin par sgro