[A:8]'dogs gcod de mthar phyin par mdzad pa yin no/ /gnyis pa khyad par gsung ngag rin po che gsan pa'i tshul ni/ skyes bu dam pa rnams ni dge ba'i bshes gnyen rgya mtsho lta bu bsten kyang ngom pa med par gdams pa dang rjes su gdams pa phyin ci ma log par ston pa'i dge ba'i bshes gnyen 'tshol ba la tshong dpon gyi bu nor bzang gi rnam thar bzhin du mdzad pa ni chos nyid de/ de'ang sngon grub chen nam mkha' ba'i thugs dam gyi mthil bde mchog yin zhing bsngags pa'ang che bar mdzad pa dang / mkhan chen sangs blo bas kyang bshad nyan mi mdzad phyin sngags phyogs kyi slob gnyer rgya che rab cig mdzod gsung ba la brten nas rdo rje theg pa'i bka' lung rgya chen po gsan par bzhed de/ sngar nyang stod du pheb/ chos rje rgyal tshab pa la phyag phyir 'gro ba'i snyan zhus phul na'ang stabs gcig gis ma thon/ bar skabs su shangs pa kun mkhyen pa'i drung du 'byon par chas na'ang pheb kha rang du 'byon ma bzhed par bzhugs/ dgung lo so drug bzhes pa'i tshe bo dong du chos rje rgyal mchog pa dang phyogs gcig tu bzhugs dus/ nyag re man ngag pa zer ba zhig bsnyen rdzogs zhu ru byung ba la spyir sa skya pa'i lo rgyus dang / khyad par kun dga' rnam gnyis kyi lo rgyus mang du byung / rje 'dis bla ma kun dga' bzang po pa de yon tan che zhing sgal tshigs bzang ba zhig yin par grags pa ci 'dra dris pas/ khong na re/ spyir gsung rab spyi la mkhas/ khyad par bde kye sogs dpal ldan sa skya pa'i chos skor la shin tu mkhas shing / sgal tshigs bzang zer ba'ang sde dpon sogs mi chen la bstun phyogs mi mdzad pa ma gtogs snyoms chung chos byed la shin tu brtse