[A:9]bas yang dag pa zhig yod zer ba gsan ma thag tu thar pa'i lam ston pa'i dge ba'i bshes gnyen yin par nges shes gting nas 'khrungs te/ thugs dgongs la bla ma de nyid kyi drung du 'khor lo bde mchog gi gdams pa zhus nas gzhung chig 'dril du byas te g.yeng pa che chung gang gis kyang dbang du ma song bar mi tshe sgrub pa la 'khyol ba zhig byed dgos dgongs pa byung / de nas so drug pa yos lo'i 'jug tu chos rje rgyal mchog pa chu 'dus pas gdan drangs/ chos rje'i zhal nas 'chad nyan byed dgos gsung ba la de bzhin gyi zhe 'dod med pa'i rgyu mtshan nan gyis phul bas grub tsam byung / der dpon slob phyogs mthun byas/ gdan sa chen por pheb/ de'i tshe rje btsun kun dga' bzang po shAka bzang sku 'bum na sku mtshams dam pa la bzhugs 'dug /rje 'dis bde mchog skor gsum rtsa rgyud kyi bshad pa dang bcas pa zhu ba la 'ongs pa yin pas rdzogs pa zhig gnang dgos zhu zhes pa bskur bas/ da lta mtshams dam pa zhig la yod/ 'di tshol blta rtog gyis gsungs nas bde mchog gi dpe cha 'ga' zhig gnang byung ste/ de'i ngang la zla ba gnyis tsam song nas/ dgung lo so bdun pa shing pho 'brug lo shar ba'i tshe dpon slob zhal mjal te mjal ma thag nas sngon gyi bla mar mkhyen cing mi phyed pa'i dad pa chen po skyes gsung / de nyid nas brtsams te 'brug lo'i ston tshun la bde mchog lU dril/ kye rdor bka' babs bzhi/ gsang 'dus 'phags lugs la sogs kyi dbang / bskyed rdzogs kyi man ngag /rgyud kyi bshad pa ci rigs pa dang / gzhan yang rdo rje phreng ba/ kr-i ya sa