[A:384]'khor thabs med pa nam yang mi brjed pas gar bzhugs su bsgrub cing mchod pa sogs dus mchod zla mchod thams cad kyang ma chag par bsgrubs so/ /lo de'i zla ba brgyad pa nas/ phyi rten rnam rgyal mchod rten gyi 'gram bting / rje btsun dbon rin po ches zhal bkod mdzad de/ phyag tshad sogs rgyud dang mkhas pa'i bzhed pa ji lta bar mdzad pa'i nang du/ bdag cag gi bla ma dam pa de'i tshems la sogs pa byin rlabs rten kha cig rgyur byas byung ba'i sAtstsha gzungs kyi snying po can stobs che ba dang / gsang sngags gsar snying dang 'brel ba'i gzungs kyi tshogs bsam gyis mi khyab pa sogs rje nyid kyi phyag len ji lta bar mdzad la/ rab tu gnas pa rje btsun dbon rin po ches rgyas par mdzad pa'i mchod rten chen po gser zangs kyi gdugs dang gan ji ras mdzes shing yid 'phrog pa zhig mdzad de/ 'di'i dkar chag rgyas pa don du gnyer ba yod na bdag gis logs su 'gyis yod pas der gzigs shig /de nas rje btsun dam pa de lta bu ma bzhugs pas 'gro ba mtha' dag gi bde skyid nyams na/ bdag cag rnams nyams par 'gyur ba lta ci smos pa/ dang po bo dong gi phyogs 'dir rje btsun sa skya pa'i bstan pa nub par rings pa dang / sngon rje btsun chen po grags pa'i sku bzhengs dus rten 'brel cung zad cig 'phyugs pa la brten sde srid 'di la 'pho 'gyur zhig 'ong zhes lung bstan pa de'i dus la babs pa la brten/ dus kyi zing long chen po bsam pa'i ra ba las 'das pa de byung nas/ phyogs 'dir 'pho dgos shar ba'i dus/ rje btsun dbon rin po che dpon slob ni thugs zos gang bde lhur bzhes pas phyogs gzhan du dges bzhin du byon/ bdag gis