[A:456]'dod khams dbang mo yis/ /'phrin las ma lus sgrub la gsol ba 'debs/ /rin cen seng ge'i khri la 'khod pa yi/ /yongs 'dzin skad gnyis smra ba'i dbang po de'i/ /lhag pa'i lha yi sgrub thabs zhal lung gis/ /shes rab snang ba rgyas la gsol ba 'debs/ zhes dgung lo gsum tsam gyi dus phyi rol du phebs pa na sa gzhi thams cad bdag cag gi ston pa'i sku gser sbyangs zhun ma la nyi 'od phog pa lta bus gang ba gzigs pas zhabs gom 'degs 'jog mi nus pa'i snang ba dang / yang skabs shig mi lus dud 'gro'i mgo brnyan can 'jigs su rung ba mang pos mi gson po btso sreg byed pa gzigs pa'i mod la rang nyid la 'phos pa lta bu'i sdug bsngal byung ba las sgrib kyi cha shas cung zad tsam lus pa gnas sbyong gi nyams kyi sgo nas sbyangs pa'i gsung rgyun snang ba lam 'bras pa'i lugs la gnas sbyong gi nyams 'di 'dra shar na phyin chad gnas ngan de len mi dgos par 'chad pas rtags bzang po yin mod 'on te rnal 'byor dbang phyug gi sprul pa la de 'drar ltos pa min kyang thun mong ba'i ngor de bzhin gshegs pa'i zhabs la seng ldeng gi tshal pa sor bcu drug pa zug pa sogs las bcu spyad pa'i skabs dang rjes su mthun par mngon/ yab kyi phyag dpe rdo rje gcod pa de gzigs pa na sngon chad 'dri klog tsam mdzad ma myong yang 'di 'dra zhig zer rgyu yin pa 'dug dgongs te thogs med du klog pa dang 'dri ba'ang slob dpon bsten pa'i rtsol ba la ma ltos par shugs byung gis mkhyen pas/ bka' las/ klog mi dran gong nas