[A:267]rten rnams snyan 'bul dang bcas te gzims chung 'gag tu phul zhing / gsol dpon sngags rams pa lags brgyud bslab ston zhib tu stsal/ bla brang du sde srid sku zhabs rin po che'i mjal kha zhus/ ston mo gzabs rgyas dang bka' 'dri rgyas par gnang / brtan ma khang du dge slong rin po cher chos kha yar phul/ thon phyag zhus thog gnang sbyin kyang stsal te rang gnas su 'byor/ lo 'dir mkhyen bslab mthar son 'bul dpon bla ma bsod nams dang / rab 'byams pa gnyis kyis rta/ dre'u/ ja/ nor sogs yon gyi mnyes par byas te li'u thang nas bka' 'gyur ro cog mtshal spar du btab pa'i pheb skyel du bla ma rab 'byams pa rang byon pa dang lhan du 'grul pa nyis brgya skor 'byor nyin/ bka' 'gyur rin po che gdugs/ rgyal mtshan/ rol mo sogs mchod rdzas du ma dang bcas pa'i ser phreng dang / bla brang so so'i steng nas bsang dang dar 'phyar sogs bsu ba rgyas par zhus te 'du khang chen mor spyan drangs/ mchod pa rgyas par phul/ dpon slob rnams la spyi chen nas gzhis len shin tu rgyas par zhus/ sang nyin nas 'grul pa rnams kyis cho ga stong rtsa dang mang 'gyed thog tshogs dbur phyin/ ja/ rta/ dre'u/ mdzo/ g.yag sogs kyi ster cha nyin re bzhin byung ba zab pa dang rgya che ba'i bsngo smon dpyis phyin par byas/ sog yul du 'bul sdud la brdzangs pa'i dbang gi bla ma bsod nams dar rgyas dang / tshe ring spe se'i bla ma bsod nams dpal bzang / o chol du chos rje'i 'bul skyel ba bcas 'byor/ gser/ dngul/ mu tig /ljon shing gi sga dang / gser sga/ gos dar sogs dngos po mang bar byung / tshogs chen du mang ja/ 'gyed sogs mang tsam zhus pa'i tshogs