[A:༩༨]གཞུང་ལུགས་མཐར་སོན་པ་བཅུ་བདུན་རིགས་པས་ཕམ་པར་མཛད་ནས་རབ་ཏུ་བྱུང་སྟེ་ཡང་དག་པའི་ལྟ་བ་འཛིན་དུ་བཅུག་གོ
Teachers of 'Phags pa
།དེ་ནས་དགུང་ལོ་སུམ་ཅུ་པའི་དུས་གླང་ལོ་ལ་ཡར་བྱོན་ཏེ། གདན་སར་ཕྱགས་ཕེབ་ནས་ཆོས་འཁོར་རྒྱ་ཆེན་བསྐོར་ནས་འགྲོ་བ་མང་པོ་སྨིན་གྲོལ་གྱི་ལམ་ལ་བཀོད། བདག་ཉིད་ཀྱིས་ཀྱང་གཉན་འོད་སྲུངས། གྲུབ་ཐོབ་ཡོན་དཔལ། མཆིམས་ནམ་མཁའ་གྲགས། ཚོགས་སྒོམ་ཀུན་དགའ་དཔལ། ཁ་ཆེའི་པཎྜི་ཏ་ཏ་ཐཱ་ག་ཏ་བྷ་དྲ། ཞང་ཞུང་རྡོ་རྗེ་འོད་ཟེར། གློ་བོ་ལོ་ཙཱ་བ་ཤེས་རབ་རིན་ཆེན། རོང་པ་རྒྭ་ལོ། རིན་པོ་ཆེ་སྐྱོབ་པ་དཔལ། ཆག་ཉི་མ་དཔལ། སྟག་སྟོན་ཤེས་རབ་འོད་ཟེར། མངོན་པ་རིན་ཆེན་རྡོ་རྗེ། འབུམ་པ་འོད་ཟེར་ཤེས་རབ། མདོག་སྟོད་པ་འདུལ་འཛིན་ཤཱཀྱ་བྱང་ཆུབ། མཁན་པོ་སེང་གེ་ཟིལ་གནོན། འབྲས་ཁུད་པ། མངོན་པ་བ་བྱང་ཆུབ་བརྩོན་འགྲུས། རི་ལུང་ཕུག་རོང་པ་ཆོས་མགོན། སློབ་དཔོན་ལྷ་བཙུན། ལྷ་རྗེ་དར་མ་སེང་གེ །དབུས་
ཆུ་བོ་རི་བ་
པ་སངས་རྒྱས་འབུམ་རྣམས་ལས་བརྒྱུད་ནས་ཕྱི་རོལ་པ་དང༌། ནང་པའི་རིག་པའི་གནས་ལྔ། སྡེ་སྣོད་གསུམ། རྒྱུད་སྡེ་བཞི་དང་འབྲེལ་བའི་བསྟན་བཅོས། མདོ་རྒྱུད། དེའི་དབང་བྱིན་རླབས་མན་ངག་ཆ་ལག་དང་བཅས་པ། བོད་ན་ཡོད་ཚད་ཕལ་ཆེ་བ་ཞིག་ཞུས་ཏེ། དེ་ལྟར་དམ་པའི་ཆོས་ཀྱི་ཆེད་དུ་དཀའ་བ་དཔག་ཏུ་མེད་པ་མཛད་པ་ནི། སངས་རྒྱས་ཀྱི་བསྟན་པ་མི་ནུབ་པར་གྱུར་ཅིག་སྙམ་དུ་དགོངས་ནས་གཞན་དོན་འབའ་ཞིག་གི་ཕྱིར་མཛད་པ་ཡིན་ནོ། །སླར་ཡང་རྒྱལ་པོས་སྤྱན་དྲངས་པའི་ངོར་རྒྱ་ཡུལ་དུ་བྱོན་ནས་གདུལ་བྱ་སྨིན་གྲོལ་གྱི་ལམ་ལ་བཀོད་དེ། སླར་ཡང་བྱི་བ་ལོ་ལ་གདན་སར་ཕྱགས་ཕེབ་བོད་