[A:281]su renda bo dhi dang / shI lendra bo dhi dang / dA na shI la dang / bo dhi mi tra dang / bod kyi mkhan po ratna rakSha ta dang dharma ta shi dang / lo tsA ba mkhas par tshud pa dznyA na se na dang / manydzu shri warma dang / ra nendra shi logs pas/ theg pa che chung gi chos las byung ba'i rgya gar gyi skad las bod kyi skad du bsgyur zhing ming du btags pa rnams dkar chag tu bris te/ nam du yang gzhung lugs de las mi 'gyur zhing / kun gyi slob tu rung bar gyis shig /ces bka' stsal nas sngon lha sras yab kyi ring la A tsarYa bo dhi ratwa dang / ye shes dbang po dang / zhang rgyal nyen nyi bzang dang / blon po khri sher sang shI dang / lo tsA ba snyi de ba ko Sha dang / lce khyi 'brug dang / bram ze a nanta la sogs pas chos kyi skad bod la ma grags pa las/ ming du btags pa dag cig mchis pa'i nang nas/ kha cig chos kyi gzhung dang / byA ka ra Na'i lugs dang mi mthun te/ mi bcos su mi rung ba rnams kyang bcos/ skad kyi ming gce so 'tshal gyis bsnan nas theg pa che chung gi gzhung las ji skad 'byung ba dang / gna'i mkhan po chen po nA gardzu na dang / bha su bantra la sogs pas ji ltar bshad pa dang / byA ka ra Na'i lugs las ji skad du/ 'dren pa dang yang bstun te mjal dka' ba rnams kyang tshig so sor bkral nas gtan tshigs kyi bshad de gzhung du bris/ skad kyang pa bshad mi 'tshal ba sgra ji bzhin du bsgyur ba'i rigs pa rnams kyang sgra btsan par bgyis te ming du btags/ skad kha cig don bzhin du gdags pa'i rigs pa rnams kyang don btsan par bgyis te ming du btags te/ btsan po'i spyan sngar bandhe chen po yon tan dang / bandhe chen po ting nge 'dzin la sogs pa'ang 'tshogs te/ rje blon gdan 'joms pa la zhus te/ dharma bsgyur