[A:295]ta yin no/ /zhes pa'i snyan grags 'og min gyi bar du khyab bo zhes ston pa la/ bstod pa mdzad pas/ bsil sbyor sgeg mo theg gsum bsgyur bshad kyi/ /snang ba ka tsa li ta'i gos klubs kyang / /gser zhal mngon du ma 'phyar de srid du/ /rig gnas rgyan gyi lang tsho'i gtam yang ci/ /rin thang che ba'i nor bu rig gnas bcu/ /khyod blo'i rdo rjes yang dag ma phug bar/ /gzhan rig srad bus 'jug pa thod min na/ /blo gsal mgrin pa'i rgyan du rngo gar thogs/ /de slad 'di na tha snyad shing rta'i srol/ /thog mar 'byed la ston pa gnyis pa zhes/ /gcig tu dkar ba'i snyan grags A na ka /
phyogs kyi mdzes mas brtan g.yo 'jig kyang brdung / /zhes gsung pa yin no/ /de ltar bu'i bka' drin gsab pa dang / rang nyid kyang dam pa'i rjes su 'jug pa'i phyir/ rjebatsun sa paNDi ta'i gsungs rab la thos bsam bsgom gsum zhe thag pa nas gyis shig ces yang yang du snying nas gdams pa yin te/ de ltar bgyis pa'i bsod nams kyis 'di phyi'i don thams cad 'grab cing bstan pa la phan pa'i thos bsam bgyis pas/ thams cad mkhyen pa'i go 'phang yang bde blag tu thob pa'i phyir/ de skad du yang nyid kyi gsung las/ des na sangs rgyas gsung rab dang / /mkhas pa rnams kyis mdzad pa yi/ /bstan bcos la ni byin rlabs yod/ /'di 'dra nyan bshad byed pa la/ /thos pa zhes ni brjod pa yin/ /de don spyod pa bsam pa yin/ /nan tan gyis ni de sgrub pa/ /sgom pa yin par shes par bya/ /thos bsam sgom gsum de ltar yin/ /'di ni sangs rgyas bstan pa yin/ /zhes dang / 'di la dga' bas nyan dang sems rnams kyi/ /sems la 'jam pa'i rdo rjes zhugs nas/ khyad par