[A:322]drin thob cing / thams cad mkhyen pa mang thos klu sgrub rgya mtsho'i bka' drin las rig ba'i gnas la blo gros cung zad gsal ba la/ rdo rje 'chang bsod nams chos 'phel gyi sku drin las snyan rgyud zab mo'i chos la dad pa thob pa yang dag 'jog la gcig tu 'dun pa'i blo can ngag rig pa dgra 'dul dbang po la/ yul dbus kyi sman ljongs su skyes pa'i dge slong lo tsA ba rnam dpyod can dngos grub rgya mtsho zhes bya bas ka lA pa'i sgra rig yongs su rdzogs pa dang / snyan ngag me long / sdeb sbyor rin chen 'byung gnas/ mngon brjod la sogs pa'i tha snyad gzhung lugs rnams legs par nyan te mkhas par byas pa'i rjes su lhag bsam dad pas nye bar bskul ba la brten nas/ nyin byed dbang po smin legs dga' ma'i khyim du rtse dgas rol pa'i khrums zla dmar po'i phyogs kyi dga' ba gsum pa'i tshes la rang gi bsti gnas lugs gnyis kyi 'dun sa 'dar stod yang rdzogs dkar po'i ba gam rig gnas mngon par bkra ba'i lding khang du bris pa'o/ /lan gcig zhus dpyad/ mangga laM// //