[A:i-3]rtsis 'di'i thun mong min pa'i dge mtshan zhig yin/
gnyis pa/ bstan rtsis 'di'i nang rgya gar dang / bod du nang pa sangs rgyas pa'i bstan pa dar tshul tshig bsdus che la don zab cing / lhag par rgya bod du byon pa'i mkhas grub lo paN rnams kyi 'khrungs 'das lo tshigs tsam du ma zad par bstan bya gtso bo rnams gang du 'khrungs pa dang / tshigs snga phyi'i sdom pa ji ltar bzhes pa/ bla ma gang dang gang bsten pa/ slob tshogs gang dang gang bskyangs pa/ bla slob de dag dgung na bgres gzhon la khyad par ci tsam yod pa/ de min gyi mdzad pa gtso che ba bcas tshig nyung don zab yig lam mang po'i nying khu btus pas bod kyi lo rgyus dang / mi rigs rig gnas 'phel rgyas skor gyi zhib 'jug la dpyad gzhi ha cang che ba/
gsum pa/ bstan rtsis 'di'i nang bod yig yig gzugs kyi 'phel rim dang / dbus gtsang mi bcu'i skor/ red mda' ba gzhon nu blo gros ni bod kyi blon po mgar stong btsan gyi sku rgyud nas byung ba la sogs pa bod kyi lo rgyus spyi dang bye brag zhib 'jug gi dpyad gzhi yig lam gzhan du zhib cha mi che ba'am yang na rnyed dka' ba 'ga' zhig kyang rgyas bsdus ci rigs par 'khod yod pa/
bzhi pa/ bstan rtsis 'di'i nang du bod du bstan 'dzin gyi skyes bu gtso che ba rim par byon pa rnams bstan pa phyi dar gyi 'go tshugs pa'i dus rang lugs sa skya'i ston pa'i 'das lo sum stong brgya nas bzung ste 'das lo brgya phrag re sa bcad du byas te bkod pas mkhas grub gang zhig gi 'khrungs 'das lo tshigs dang / mdzad pa'i skor 'tshol skabs 'das lo de'i 'gros nas