[B:74a] pa'i tshes brgyad kyi sred sku gdung rin po che ngo mtshar ba'i ltas dang bcas te mngon par sbyangs shing / gdung ring srel gyi tshogs phal cher dad pa dang ldan pa rnams kyi mchod pa'i rten du gyur la/ gdung tsha mang po sngar mal bzhugs pa dang / khyad par du zhal ko gdan sa chen po thelagyi rten gyi khrod dang / dbu thod ril po dga' ldan ma mo'i lha chen gyi thugs kar bzhugs so/ mtshungs pa med pa'i dpal ldan bla ma mchog gi rnam thar ni/ bdag gis bskul nas slob dpon smon lam grags pas legs sbyar ba/ de la gzhi byas sgro bskur bral zhing gsal bar bkod pa'i dges/ skye ba kun du mgon po de yis rjes su 'dzin gyur cig bla ma rnams kyi lo rgyus ji snyed pa/ [A:175]sgro 'dogs tshig rgyan brtsom la mi dgyes shing / rang babs dngos gnas brjod la bsngags mdzad pas/ dgongs pa nyid las gzhan du ma spos so/ yon tan mang po rang gis bsgrags so zhes/ snyigs dus log rtog can la sbed dgos pa'ang / 'di na cung zad gsal bar smos pa la/ mngon par dad rnams skal ba bzang ba yin/ dpal ldan bla ma mkhan chen thams cad mkhyen pa don gyi slad du mtshan nas smos te gzhon nu dpal gyi rnam par thar pa yon tan rin po che mchog tu rgyas pa'i ljon pa zhes bya ba/ rje btsun de nyid zhi bar gshegs nas lo grangs sum bcu so bdun la babs pa/ me mo glang gi lo
1517 lo
zla ba bzhi pa'i tshes bcu drug gi snga dro'i dus dge ba la/ shAkya'i dge slong chos kyi grags pas/ dpal bde chen yangs pa can gyi gtsug lag khang du sbyar ba'i yi ge pa ni rin chen bkra shis zhes bya bas bgyis te grub pa/ phyogs dus kun tu dge legs 'phel bar gyur cig// //