[B:20a]pa
[A:42]rnams ngo mkhyen pa sogs chung ngu nas byis pa'i spyod pa las 'das/ bslab pa'i gnas dang rgyu rtsal tshegs chung ngus mkhyen/ bla ma 'di dang 'gro mgon phyag na ste/ sku mched gnyis kas sgu rum gyi nyi zer la na bza' dang 'khor gsum bkal| kun gyis 'di ni 'phags pa'o zhes bsgrags pas 'phags par grags/ dgung lo gsum pa la sgrub thabs mtsho skyes/ brgyad pa la skyes rabs/ dgu pa la brtag gnyis thugs las gsungs/ tshogs pa thams cad shin tu ngo mtshar| de ltar na skye stobs kyi thugs rab ni chos rje las kyang lhag par mkhas pa rnams la grags so/ bcu pa la chos rje'i phyag phyir gong du byon pa'i mar lam zul phur/ chos rje pas mkhan po/ zul phu ba na bza' 'phred gsol du grags pa chos dbang bas slob dpon mdzad nas rab tu byung / skyor mo lung pa shes rab seng ge la kA ri kA gsan te lhag pa tshul khrims kyi bslab pas phyug par mdzad do/ de ltar dgung lo bcu bdun pa'i bar chos rje la dbang 'khrid bshad pa phal cher rdzogs| shin tu brnyes nas chos dung / lhung bzed/ phyag dpe/ tshogs pa rnams gtad/ bstan pa'i khur bkur/ bcu bdun pa la chos rje dang bco brgyad pa la byang phyogs rgyal po go dan yang gshegs/ de nas =se?so chen gan gyis gdan drangs| brtag pa dang dri ba la sogs pa'i sgo nas yid ches shing / btsun mos mtshams sbyar nas mos gus khyad par can tshud/ dgung lo bcu dgu pa chu mo glang gi lo gsar la se chen gan gyis dbang bskur zhus/ g.yang kri'u las byas pa
yi ge
[A:43]sa
dang
rin po che 'i ri mo
yod pa'i dam ga phul/ ti shrI'i mtshan gsol/ gser dang mu tig gi rnam sbyar/ sku chos/ phyam tshe/ dbu zhwa/