[B:34a]// gdung rabs sbrang rtsi'i phung po 'phyur ba yin//
Wish Verses
'dir 'bad dge dang dge gzhan chu klung kun//
phan bde gser gyi bye ma 'dren bzhin du//
kun mkhyen rgya mtsho chen por myur zhugs te//
thub bstan rlabs 'phreng 'phel ba'i dpal thob shog/
skye rgu'i gtsug
rgyan
gdung brgyud rin po che//
mkhyen brtse nus pa'i gzi 'od ched cher 'bar zhing //
rnyed dang bkur sti'i rgyal mtshan rtser mchod nas//
dge legs 'dod dga'i char chen 'bab gyur cig/
shar phyogs rgya mtsho'i mthar gtugs 'gro 'di la//
chos 'byor char chen ji ltar phab pa bzhin//
slar yang phan bde 'byor pas legs skyong bskyong pa'i//
'jam dbyangs brgyud pa lhag par 'phel gyur cig//
tshul 'dir dad gus 'dun pa'i dpal yon can//
blo chen sbyin bdag brgyud par bcas pa dang //
chab srid mtha' dag yongs 'du'i ljon pa bzhin //
phun tshogs lo 'dab phyogs bcur rgyas par shog/ ཿ
Author Colophon
ces dpal lngan sa skya pa'i gdung rabs 'dod dgu'i rgya mtsho zhes bya ba/ཿ gtsang stag tshang gi lo tstsha ba shes rab rin chen rgyal mtshan dpal bzang pos thams cad 'dul zhes bya ba/ཿ me mo phag gi lo'i nag nya'i tshes gsum la/ཿ rdzong dkar nor bu gling gi pho brang du sbyar ba'o/ dge legs 'phel bar gyur cig/zhus dag/