R248: dpal ldan zhwa lu pa'i bstan pa la bka' drin che ba'i skyes bu dam pa rnams kyi rnam thar lo rgyus ngo mtshar dad pa'i 'jug ngogs/ {bod yig glog rdul dpe cha/}

  • Pagination (Witness A): 102
[A:102]rjes su bsnyen rdzogs kyi mkhan po yang de nyid ka yin/ bu ston thams cad mkhyen pa'i thugs sras bu chen rnams bsten nas mdo rgyud kyi don la sbyangs pa rgya cher mdzad/ khyad par thugs sras lo tsA ba'i drung du/ de nyid la mnga' ba'i chos phal cher bum pa gang byor gsan te thugs kyi sras gcig pur gyur bas/ rjes su thugs sras rje sku mya ngan las 'da' khar yang sku zhang nam mkha'i mtshan can la zhal chems su/ snga mo nas chos rje thams cad mkhyen pa nas brgyud pa'i phyi mtshan nyid/ nang gsang sngags thams cad kyi dbang / bshad pa/ gdams ngag sna re tsam ma gtogs bum pa gang byor 'phrod yod pas/ dbon po grags rgyal 'di la gdan sa bskos na yong bar bdogs pas de'i bka' gros mdzad pa las tub la byon zer ba'i phar mi mgyogs par thongs gsung / de ltar thugs sras rje zhing gshegs nas bu ston thams cad mkhyen pa'i khri thog tu snga rting gnyis phebs pas/ snga ma la dgung lo nyi shu rtsa lnga ba sa mo sbrul gyi lo khri thog tu phebs/ lo bcu drug bzhugs nas chos 'khor bskor te mkhan chen sangs rgyas dpal ldan rin chen la gdan sa gtad/ de rjes yang gdan sar bskyar ma phebs te lo sum cu so drug gi bar khri thog tu bzhugs nas zhwa lu ri mthil gyi sde dgon rnams lugs gnyis kyi sgo nas skyong bar mdzad/ sne'u gdong gong ma chen po dbang grags pa rgyal mtshan gyi ti shrI mdzad nas dbus phyogs su yong lan du mar phebs/ gong ma chen pos sbyin bdag mdzad de/ kun mkhyen