R248: dpal ldan zhwa lu pa'i bstan pa la bka' drin che ba'i skyes bu dam pa rnams kyi rnam thar lo rgyus ngo mtshar dad pa'i 'jug ngogs/ {bod yig glog rdul dpe cha/}

  • Pagination (Witness A): 104
[A:104]kyi nus mthu dang / khyad par bla ma rin po che shAkya dpal ba'i sku drin las/ chos sde la'ang byer zhig med kyi steng du dbus gtsang thams cad kyi spyi'i mchod gnas su thon pas yar 'phel du song zhing / nged kyis kyang chos 'jig rten gnyis ka'i sgo nas she mo gang yod kyis khur 'khur ba'i lugs yin/ da nged kyang na so rgas/ 'chad nyan sogs mi pher ba 'dug cing gdan sa ba zhig bsko dgos par 'dug pas/ rang re'i chos sde 'di nyid na mdo sngags mtha' dag la mkhas pa'i dge ba'i bshes gnyen gdan sa'i 'os mang po 'dug na'ang / de thams cad dus gcig tu bskos bas ni mi yong / gang rung gcig la bsko ba las 'os mi 'dug /de la nged kyis snga mo nas thams cad mkhyen pa'i sku 'dra rin po che'i drung du brtag pa byas shing khyad par lha sa'i jo bo'i phyag tu gdan sa'i 'os kyi shog dril rnams phul nas zla ba gcig gi bar du gsol ba btab pas/ btsun gnas dbon po 'di brtags pa thams cad la shis par byung zhing thams cad mkhyen pa yab sras kyi byin rlabs 'jug /gzhan phan yang che bar yong zer ba byung bas/ tshes drug gi nyin bsko bzhag byed pas 'di la sus 'gal rkyen du 'gro ba byas pa de/ rang gi mgo la rang gis chu drangs par 'gro ba yin pas de bzhin du ma song bar thams cad kyis khag khur bskyed nas phyag 'bul dang li shang gang 'byor phul/ mthun rkyen du 'gro ba mdzad pa zhu/ zhes gsungs nas ltsags pho spre'u'i lo rgyal gyi zla ba'i tshes drug gi