R248: dpal ldan zhwa lu pa'i bstan pa la bka' drin che ba'i skyes bu dam pa rnams kyi rnam thar lo rgyus ngo mtshar dad pa'i 'jug ngogs/ {bod yig glog rdul dpe cha/}

  • Pagination (Witness A): 131
[A:131]mtshams har 'don mdzad/ bla brang shar ma'i sgo brdungs byung / der rje rin po ches ci yin gzigs pas sgo phye gsung / ngag bcad kyis brda mdzad nas mi dbye gsungs pas/ khyod la phan pa byu rgyu yod/ cis kyang sgo phye zhig zer nas 'gas sgo gcig yod pa dbye dgos byung ste nang du phebs/ khong pa rta mgrin gyi grub thob tu byed pas/ spyi bor rta mgo'i phyag rgya bcings/ i haM haM haM zer rta'i skad bton/ rje rin po che'i zhabs la thal lcag gcig brgyab/ steng shod thams cad du yar rgyug mar rgyu mdzad/ de nas khyod la kha sang nas cho 'phrul de 'dra byung yang bar chad kyis ma tshugs pa ngo mtshar che/ da sgrub pa byed lugs 'di bzhin gyis gsung ba'i bslab byu mang du mdzad nas phyir phebs song / de nub nas cho 'phrul zhi zhing / bskyed rim la brtan pa thob pa yin skad/ de nas phyag na rdo rje 'gro bzang gi zhal dngos su gzigs/ bsnyen mtshams grol ba nas bzungs te/ chos kyi rje thugs sras lo tstsha ba chen po de nyid sku ma gshegs gyi bar la zhag gcig tu yang mi 'bral ba'i gzhis byes thams cad du nye gnas kyi mthil mdzad/ rgyal ba'i gsung rab phal mo che/ de'i dgongs 'grel du gyur ba'i bstan bcos/ khyad par bu ston thams cad mkhyen pa nas brgyud pa'i mdo sngags kyi chos bka' ma lus pa bum pa gang byo'i tshul du lo chen de nyid las thob pa'i sangs rgyas kun gyi ngo bor gzigs nas bka' bzhin sgrub pa'i mchod pas dus rtag tu mnyen par mdzad do/
gzhan yang bla ma dam pa bsod nams rgyal