R248: dpal ldan zhwa lu pa'i bstan pa la bka' drin che ba'i skyes bu dam pa rnams kyi rnam thar lo rgyus ngo mtshar dad pa'i 'jug ngogs/ {bod yig glog rdul dpe cha/}

  • Pagination (Witness A): 139
[A:139]gega ma mo slob dpon hUM ka ras mdzad pa yod pa las shes so//
gnyis pa ni/ 'khrul rtog kun zhig tshul khrims rgyal mtshan bsgrengs/ / zhes 'khrul zhig chen pa de ni/ sngon 'phags pa'i yul du grub chen ku ku ri pa dang / ljongs 'dir dpyal kun mkhyen shes rab dpal bzang po sogs mdor na nam mkhas grub pa rgyud mar sku skyer bzhes pa'i mthar/ 'di nyid du lhums su bzhugs pa'i tshe yang / yum gyi rmi lam du thar pa nas yong zer ba'i rnal 'byor pa he ru ka'i chas spras nas gar mdzad pa zhig gnas g.yar ba'i tshul du byung zhing / de yang zhwa lu'i shar gyi dur khrod zung gsum ri'i phu na chos lung zhes bya ba'i sgrub gnas yod pa der yab rnal 'byor gyi dbang phyug dka' bzhi ba gzhon nu rgyal mtshan dang / yum sgrub chen ma tshul khrims 'bum gnyis kyi sras su rab byung bdun pa'i sa mo yos kyi lo la 'khrungs/ bltams nas cher ma lon par/ hrI ShDI'i sngags thol byung du sgrog pa dang chos 'chad pa'i tshul mdzad pa zhig byung / res dga' nga thar pa nas 'ong / nga rang la dngul gyi rdo rje sems dpa' 'ang yod ces tshig lab mdzad/ skabs shig yum gyi rgyab tu 'khyer te/ rdo rje gdan du phebs pas/ thar pa mthong ba'i la khar slebs pa dang / a lu lu/ nga rang gis dgon pa mthong byung a ma mgyogs por byon gsung ba sogs sngon gnas rje dran mang du mdzad/ dgung lo bdun la yum sku gshegs/ yab kyi zhwa lu pa dge slong rin chen skyabs zer ba