[A:116b]mi chen po gcig 'ong / re 'ga' seng ge chen po zhig byung ba bla ma la zhus pas/ 'byung po dpe dkar kho bar chad bya 'dod pa yin/ bar der jo bo mi g.yo ba'i bsgom bzlas gyis gsungs nas de'i rjes gnang dang / chu'i bsrung ba sgrub thabs yan lag dang bcas pa rdzogs par gnang ste/ de ltar mdzad pas bar chad zhi nas 'phags pa 'jam dpal sku mdog gser btso ma lta bu/ phyag chos kyi 'khor lo bsgyur ba'i phyag rgya can/ rin po che'i khri la bzang po'i 'dug stangs kyis bzhugs pa/ 'khor byang chub sems dpa' gser gyi mdog can gnyis dang bcas pa mngon sum du zhal gzigs/ theg pa chen po'i chos kyi snying po zhen pa bzhi bral gyi gdams pa dngos su gsan/ blo gros chen po dang ldan pa'i mkhyen pa'i spyan ras kyis skal ba dang ldan pa'i gdul bya dpag tu med pa'i don rgya chen po mdzad pa yin no/ /de lta bu'i lo tsA ba chen po de'i drung du