[A:145a] nga bod kyi lha 'dre gdug pa can 'dul ba sogs la mngags par 'ong zer ba la/ bla mas kyang de bzhin du gnang ste/ de nas ban chung nye gnas kyi tshul du mdzad nas byon pas/ mnga' bdag btsan lde'i bsam pa la/ nga rgyal po yang yin/ mnga' ris stod na nga las grags che ba dang / dbang stobs che ba med pas/ lo tsA ba nga la mjal du 'ongs nas phyag 'tshal thang snyam/ bla ma gnyan gyi thugs dgongs la/ nga rgya gar gyi grub thob rnams kyi slob ma lo tsA ba yin/ khyad par rdo rje gdan pa bla ma pandre pa rin chen grags pa/ mar me mdzad bzang po rnams kyi chos rgyud 'dzin pa yin pas/ btsad pos nga la phyag dang sna len sogs byed thang snyam nas/ bla mas tshong pa mang po dang 'grogs nas byon dus mnga' bdag la rgya gar nas phra ma byung ste/ gnyan lo zer ba 'dis rgya gar gyi ngan sngags thams cad bslabs nas song pas/ der sha ma mi byed do zer ba dang / rgyal