[A:75b] bde chen gyi ye shes tshad med pa 'khrungs shing / sku skye ba snga ma'i tshul la nges shes khyad par can mngon du gyur te/ sang nyin mnal lam gyi tshul rnams zhal slob bu chen rnams la sgrib med du gsungs 'dug pa 'di lta bu ni/ sngon yang sa skya pa'i snyan brgyud kyi bdag po yar lung pa sengge rgyal mtshan du bsam bzhin du byon cing / slar snyigs ma'i dus 'dir yang rje btsun gong ma'i man ngag chad du phangs pa rnams kyi bka' bsdu lta bu mdzad pa la cher gtad byon pa yin yang dag pa'i gtan tshigs su kho bos rtogs shing / mthar gzhan don la dgongs par nye ba na yang / lan gcig 'od gsal gyi ngang du rje btsun rdo ring pa chen po byon nas/ da lta rgya gar lho phyogs na mu stegs pa'i rgyal po stobs che ba gcig yod pas/ de 'dul du khyed 'gro dgos pa 'dug gsung ba byung ba la zhag 'ga'i bar du rje rdo ring pa nyid la gsol ba rtse gcig tu 'debs pa mdzad pas/ lan