R260: dpal sa skya lo tsA ba'i rnam par thar pa ngo mtshar gsal ba'i me long dgos 'dod kun 'byung / {bod yig glog rdul dpe cha/}

  • Pagination (Witness A): 19a
[A:19a]thog bla brang gi gser khang na bzhugs pa'i sa lo nyid kyi sku tshab sku tshad ma gnyis la lam 'bras brgyud pas bskor ba dang / bla ma gong ma'i sku 'bum rnams kyi khrod la phyi rten ngo mtshar can bzhengs te lha mi rnams kyi bsod nams kyi zhing dam par bzhugs pa yin no/ /de ltar sa skya lo tsA 'jam dbyangs che/ /gang gi rnam thar mdo tsam bshad pa yi/ /legs byas 'dis mtshon dus gsum dge ba'i mthus/ /bdag cag mkha' mnyam 'gro ba ma lus pa'i/ /sgrib kun byang nas dus 'dir tshe ring zhing / /yid la re ba thams cad 'grub pa dang / /phyi ma lhan cig bde ba can skyes nas/ /sprul pas srid mthar bstan pa 'dzin par shog /ces sa skya lo tsA ba'i rnam par thar pa ngo mtshar gsal ba'i me long dgos 'dod kun 'byung zhes bya ba 'di yang / mkhas pa'i dbang po dkon mchog lhun grub kyis mdzad pa'i rnam thar chen mo nas btus te/ sa skya pa shAkyi dge bsnyen paNDi ta sngags 'chang ngag dbang kun dga' bsod nams kyis rang lo zhe gcig pa me mo glang gi lo dpal sa skyar gsung ngag tshar bdun pa bshad dus tha skar gyi zla ba'i dkar po'i phyogs kyi tshes la legs par sbyar ba'i yi ge pa ni shab stod pa bkra shis don grub bo/ /'dis 'phral dang yun du dge legs su gyur cig/ //sarba mangga laM//