[A:74]khar sa pa Ni'i byin gyis brlabs shing lung bstan pa bod kyi lo tsA ba chen po lo hi ta'i 'gram na rgyal po'i bla mchod du gyur pa'i rgyud byin gyis rlobs shig gsungs nas paNDi ta ga ya dha ras dris pas/ 'brog mi lo tsA ba yin par dgongs te/ mu gu lung du byon nas brtags pas nges shes skyes nas lo tsA ba chen po 'brog mi shAkya ye shes mi bskyod rdo rje la snyan rgyud bzhis gdams/ des se ston kun rig zhe sdang rdo rje la/ des zhang ston chos 'bar rol ba'i rdo rje la/ des bla chen sa skya pa chen po kun dga' snying po mi bskyod rdo rje la/ des rje btsun rtse mo/ de nas rje pa khu dbon la/ des 'phags pa blo gros rgyal mtshan la/ des gzhung ji lta ba bzhin dkri ba'i gzhung shing gi khrid bka' babs kyi tha ma sprang po cha rgan la'o/ /chos khungs btsun shing rjes 'jug gi spros pa bcad pa'i phyir/ lo rgyus 'dra min du ma dang / /bla ma grogs mched gong ma yi/ /gsung dang gdams ngag thor bu las/ /rmongs pa cha rgan zhes bya bas/ /lhag po spangs shing chad pa bsab/ /'khrugs pa sdebs te lo rgyus 'di/ /shing 'brug snron zla'i yar tshes la/ /gzim khang rin khang gong ma yi/ /'gro mgon chos rgyal rin po che'i/ /sku 'dra'i drung du bris pa dge /nongs 'khrul bshags shing dge ba bsngo/ /kun gyis kun mkhyen myur thob shog /dge'o// //