[A:50]rgyas par brjod kyis mi langs te gdon mi za bar mgon po 'jam pa'i dbyangs nyid du rigs par bya'o/ /mi dbang gsung rab zas kyi dga' ston la/ /don gnyer rna ba'i slongs mos nyer bslangs te/ /rnam spyad lce yis myangs pas bdag blo'i lus/ /som nyi'i rgud las rnam grol rab brtas gyur/ /gang zhig sdeb legs snyan tshig shas chung yang / /don dang mi 'gal cung zad bris pa las/ /tshig gi gter mnga' mkhas pa'i tshogs rnams kyis/ /re shig bzod par gsol la gzu bos dpyod/ /'dir ni rang nyid dran pa gso phyir dang / /dam pa'i grogs 'gas bskul nas brda' sprod pa/ /dpal ldan bzang po'i zhabs sogs bla ma yi/ /rnam thar bris pa'i dge des mchog thob shog /bla ma bod kyi brgyud pa'i rnam thar zhib mo rdo rje zhes bya ba mang du mnyan zhing zhal las bris te legs par rnyed pa 'di ni shAkya'i dge slong chos kyi rgyal po zhes bya bas/ gung thang na la tse gnas po che'i gtsug lag khang du sbyar ba 'di yongs su rdzogs so/ /lo rgyus kyi yi ge 'di bla ma lo tsA ba chen po'i phyag tu phul bas mnyes te rab du bsngags pas na the tshom med par gus pas longs shig yul dbus kyi blo gsal dmar gyis yi ge 'di dbri bsnan med par bris pa yin no// //dge'o// //