[A:72][B:1a]/ /thams cad mkhyen pa rdo rje gdan pa'i bu chen slob brgyud rnams kyi sku bstod bzhugs so/ /[B:1b]oM bde legs su gyur cig
mkhas grub rig pa'i glog 'phreng
gang yang sngon nas goms pa'i shugs thob pas/ /gzhung lugs kun la mi 'jigs spobs pa can/ /mkhas mang 'dus pa'i dbus na mngon mtho ba'i/ /yongs 'dzin mkhas pa'i dbang po bstod par bgyi/ /mkhas grub rnam rgyal rin chen
rnam dkar rgyal kun mkhyen brtse yi/ /rin chen cod paN legs bcings nas/ /skal ldan gdul bya smin mdzad pa'i/ /dpal ldan bla ma la phyag 'tshal/
/mang thos gling pa
rgyud sde rgya mtsho'i dbus gnas shing / /rgyal ba rgya mtsho'i thugs kyi sras/ /gdul bya rgya mtsho'i mgon gyur pa'i/ /yon tan rgya mtsho la phyag 'tshal/
/thugs sras kun dga' rgyal po
rgyal ba kun gyi mkhyen brtse gcig bsdus pa/ /'gro ba'i dga' tshal dpal 'byor bzang po can/ /gdul bya rnam rol rgyas par 'khrid mdzad pa'i/ /mtshungs med bla ma chen por phyag 'tshal lo/
/rgya ston byang chub dbang rgyal
dus gsum rgyal sras byang chub brnyes pa'i lam/ /theg mchog dbang bzhi'i rgyal thabs la brten nas/ /rim gnyis zab mo'i ngang las mi g.yo ba'i/ /mtshungs med bla ma'i zhabs la phyag 'tshal lo/
/
'bras spungs tshe dbang bkra shis
tshe dpag med sogs rgyal ba kun gyi dngos/ /dbang phyug brgyad ldan khyab bdag 'khor lo'i mgon/ /bkra shis