R381: chos kyi rje dpal ldan bla ma dam pa rnams las dam pa'i chos ji ltar thob pa'i tshul legs par bshad pa zab rgyas chos kun gsal ba'i nyin byed las mkhan chen 'jam pa'i dbyangs ngag dbang chos kyi grags pas rjes su bzung ba'i tshul gyi sarga {bod yig glog rdul dpe cha/}

  • Pagination (Witness A): 76a
[A:76a]dbyangs/ /
a bi yo ga hrI da yA sa tsa ma kri ta/
'bral med snying gi dkyil nas gsol ba 'debs/ /
chos kun gzigs khyod mkhyen pa'i me long ngos/ /ma shar shes bya'i gzugs brnyan de ci zhig /kun mkhyen khyod 'dra sngon kyang gangs ljongs 'dir/ /ma byon pa tsam phyin chad lta ga la/ /des na khyod thugs chos kyi rgya mtsho che/ /gting mtha' mi mngon las 'ongs legs bshad kyi/ /chu klung stong gis bdag blo mi shes pa'i/ /tsha gdung sel mdzad bka' drin bgrang yas rnams/ /dran pa'i mod la spu ldang mchi ma g.yo/ /da dung gsung rab rgya mtsho'i dka' gnas la/ /gzhan gyis ma rtogs the tshom sel ba'i phyir/ /mjal 'dod sems kyi lhag ma lus pa'i yid/ /rte'u ma dang bral 'dra'i sdug bsngal gyi/ /khur gyis mnar ba'i mgon med bdag 'dra la/ /mi mngon dbyings nas brtse ldan bshes khyod kyis/ /gzigs la rnam dpyod blo gros snang ba stsol/ /chos kyi rje dpal ldan bla ma dam pa rnams las dam pa'i chos ji ltar thob pa'i tshul legs par bshad pa zab rgyas chos kun gsal ba'i nyin byed ces bya ba las/ rje btsun thams cad mkhyen pa'i bshes gnyen mkhan chen 'jam pa'i dbyangs ngag dbang chos kyi grags pa'i zhal snga nas kyis rjes su bzung ba'i skabs te dgu pa'o// //mangga laM// //gcig zhus// ! mkhan chen a pad rin po che'i dgongs bzhed ltar gu rus zhabs zhu bgyis pa'o//