R383: chos kyi rje dpal ldan bla ma dam pa rnams las dam pa'i chos ji ltar thob pa'i tshul legs par bshad pa zab rgyas chos kun gsal ba'i nyin byed las rigs ldan 'jam pa'i dbyangs grub mchog mthu stobs dbang phyug mched kyis rjes su bzung ba'i tshul gyi sarga {bod yig glog rdul dpe cha/}

  • Pagination (Witness A): 16a
[A:16a]phyug des bdag sa skya pa ngag dbang kun dga' bsod nams la'o/ /yang na 'phags mchog nor bu bzang po la hor ka bzhi pa/ seng ge rgyal mtshan/ chos rje dpal ldan legs pa/ ka bcu pa/ byang chub dpal/ 'phags pa blo gros rin chen/ yig drug pa man 'dra/ ! /yang grub mchog dam pa de nyid kyi drung du/ rje mkhyen brtse ba'i rnam thar rang nyid kyis mdzad pa'i lung thob pa'i brgyud pa ni/ rje btsun mkhas pa chen po mkhyen brtse dbang phyug rje dbang phyug rab brtan/ mkhan chen rin po che ngag dbang chos grags/ spyan snga kun dga' don grub/ dpal sa skya pa grub mchog mthu stobs dbang phyug des bdag sa skya pa ngag dbang kun dga' bsod nams la'o/ /'dir smras pa/ yo dznyA kri pA maNDa la krisatra bilbo bi/
gang gi mkhyen brtse dri med dkyil 'khor la/ /
pashya dharmA bi pa shyaM bi ma la sphu Ta sya/
mtha' yas chos kyi gzugs brnyan gsal bar snang / /
bandhu pra dzA naM sa ha de ba me ka
lhar bcas 'gro ba'i rtsa lag gcig pu ba/ /
shAkya sya de sho dha ra te dza ya ghaH
shAkya'i bstan 'dzin mchog khyod rgyal gyur cig /
sa 'dzin dkar po'i ngos kyi skya ba'i 'od/ /gangs ri'i spo la nyi zer 'phro ba ltar/ /che cher gsal las ngo mtshar yul gyi mtshan/ /kun tu grags 'di'i bstan pa yar 'phel shog /'jam dpal 'jam dbyangs 'jam pa'i rdo rje nyid/ /gzugs gzhan zlos pa'i skyes chen sku mched kyi/ /rigs kyi cod paN gong mar bcas pa yi/ /bstan 'di srid mthar bdag gis 'dzin gyur cig /chos kyi rje dpal ldan bla ma dam pa rnams las dam pa'i chos ji ltar thob pa'i tshul