[A:112b]bag chags dang bcas pa/ /ma lus byang nas don gnyis phun tshogs shog /bdag kyang rdo rje'i lus brtas dbang po gsal/ /rigs brgyud myur 'byung bstan la ches phan cing / /dpon slob tshe mthar phyin nas phyi ma'i tshe/ /bde ldan zhing du lhan cig skye bar shog /gnas der sa lam rtogs pa mthar phyin te/ /gang 'dul sprul pas sngags 'chang yab sras kyi/ /bstan 'di srid mtha'i bar du 'dzin pa sogs/ /yid la re ba'i don kun lhun grub shog /ces dpal ldan sa skya pa'i bstan 'dzin ngor rdzong rnam gnyis kyi gsung ngag rin po che'i phyag len gyi rim pa 'ga' zhig las brtsams te so so'i bzhed srol rnams legs par bshad pa lugs gnyis gsal ba'i nyin byed ces bya ba 'di'ang sa gsum gyi bla ma grub thob kyi 'khor los sgyur ba 'jam pa'i dbyangs bsod nams dbang po'i zhal snga nas dang / yab rje sbas pa'i sangs rgyas bstan pa'i rtsa lag sngags 'chang grags pa blo gros/ brtan g.yo'i khyab bdag rdo rje sems dpa' nyid gzhan ngor ngur smrig gi bla gos 'chang ba rgyal ba mus pa chen po rdo rje 'chang sangs rgyas rgyal mtshan/ sprul pa'i sku spyan snga chos kyi spyan ldan kun dga' don grub/ mkhan chen thams cad mkhyen pa 'jam pa'i dbyangs ngag dbang chos grags la sogs te yongs 'dzin dam pa bka' drin can rnams kyi gsung las skyes pa dpal sa skya pa shAkya'i dge gnyen paNDi ta
mkhas pa/
sngags 'chang ngag dbang kun dga' bsod nams grags pa rgyal mtshan dpal bzang pos 'phags pa'i yul na ba hu dhA nyaHste 'bru mang po zhes grags shing rgya nag lugs la sa pho