R444: gsang sngags rdo rje theg pa'i 'dul ba kun las btus pa'i rtsa ba'i mdo/ mjug byang / {bod yig glog rdul dpe cha/}

  • Pagination (Witness A): 510a
[A:510a]rdo rje bkra shis sogs/ /yi ge pa ni bsod nams chos dpal dang / /bkra shis rgya che thel ba gang 'dir yang / /zhus shing dag byed bsod nams tshe brtan zhes/ /gzhon nu blo dang ldan pa gang de yis/ /rgya ston lcags ri pa la'ang zhus shing dkyis/ /lag pa'i 'du byed bstar la brtson pa rnams/ /rnyed dang bkur stis dga' mgur bya ba yi/ /yon dang rdzongs dang 'phral gyi yo byad kyang / /ji ltar 'dod bzhin ma tshang med pa dag/ /bla nas stsal dang zhal phu sku mkhar nas/ /slob dpon grags pa seng ge'i phyag chen yin/ /bla brang nang nas nye gnas chen pos kyang / /skabs su bab pa'i dgos dgu nye bar stabs/ /yon mched dgongs pa'i mtshams sbyor zhal ta pa/ /dbon btsun rgyal dbang grags pa zhes bya'o/ /dge ba'i las 'dir sgo gsum gang dag gis/ /bgyis dang bgyid stsal yi rang las byung ba'i/ /bsod nams des kyang deng nas skye kun du/ /'jig rten pa dang 'jig rten las 'das pa'i/ /dngos grub rnam pa gnyis la dbang 'byor zhing / /dbang phyug sa la bzhed dgur dbang mdzad pa/ /'jig rten gsum gyi mgon po mchog gyur cig/ /ces bya ba 'di ni bka' dang bstan bcos 'gyur ro cog gyi glegs bam gyi mchog tu mdzes par byas pa'i dgon gnas/ dga' ldan byams pa'i gling gi yang dgon chos kyis mngon par mtho ba'i khang bzangs dam par/ rnam 'byung zhes bya ba'i ming can/ lcags pho stag gi lo'i cho 'phrul ra ba'i zla ba la thog ma brtsams te// sa ga can gyi yar gyi ngo'i gral tshes bcwo lnga pa 'jig rten gsum gyi bla ma sangs rgyas bcom ldan 'das/ bla na med pa yang dag par rdzogs pa'i byang chub chen po brnyes pa'i dus tshes khyad par can la legs par grub pa phyogs dus gnas skabs thams cad bkra shis dang bde legs chen pos khyab pa'i rgyu kho na nyid du gyur cig//