[A1:82a][A2:82a]Carving Colophon, f. 82a1-7
/ /swasti/
bskal bzang sangs rgyas gzhan gyis mi 'dul ba'i/
/rtsod dus sems can brdul dka' ma rungs pa/
/'dul phyir smon lam yongs rdzogs gzhan don mdzad/
/thub chen rgyal ba'i dbang po la phyag 'tshal/
/bram ze'i btsun pa lnga rig mthar son nas/
/'dzam gling mchog gyur 'dul ba rgya mtsho yi/
snying po bsdus te 'dul ba'i mdo mdzad pa/
/'phags pa yon tan 'od la gus phyag 'tshal/
/thub bstan phan bde'i 'byung gnas kun gyi gzhi/
/'dul ba'i sde snod kun gyi ma lta bu/
/'dul ba rgya mtsho'i snying po 'dul ba'i mdo/
/'phags pa yon tan 'od kyis mdzad pa dang /
/gzhi lnga gnas brgyad bston pa chos mngon mdzod/
/dbyig gnyen sangs rgyas gnyis pas mdzad pa dang /
/gtsug tor dri med rab gnas cho ga sogs/
/lhag bsam dag pas par du gzhengs pa'i don/
/rgyal ba'i bstan pa phyogs bcur rgyas pa dang/
/bstan la zhugs rnams tshul khrims rnam dag la/
/brtson bapa lhur len bskyed par bya phyir dang/
/snyan par grags pa'i rgyal mtshan mthon pos brjid/
/sngon bsags bsod nams gter gyi ne'u le can/
/log sems glang po'i glad 'gems gdong lnga'i stengs/
/khrims gnyis gzi brjid dpal gyis lha nge ba/
/chos rgyal rnam mang thos sras gnyis pa nyid/
/lha rgyal tshangs pa'i sku tshe ltar brtan cing/
/sde srid tshangs pa'i 'jig rten ltar rgyas nas/
/tshangs pa'i yul sar bde chen thob bya'i phyir/
/tshangs chen gnas 'tshungs pho brang gong dkar du/
/grags dang dpal dang blo gros bsod nams bzhi/
/'dzom rgyas mngon mtho phun sum tshogs ldan pas/
/
'gyur byed zhes bya sa mo phag gi lo/
/par du bsgrubs pa'i do dam zhal lta pa/
/tshul gnas thos bsam sgoms pas rgyud 'byor pa/
/dpal ldan sa skya'i gshesbshes gnyen rin chen dpal/
/yig mkhan mkhas pa'i dbang po seng ge dar/
/rkos mkhan mkhas pa sprul sku dpon mo che/
/dpon skyab thog grangs mkhas pa rnams kyis gzabs/
/'di yi rgyu sbyor lag len dad pa can/
/gsol dpon gu ru gnyer chen rnams kyis bsgrubs/
/de ltar sgrubs pa'i dge ba dri med 'dis/
/nam mkha'i mtha' gtugs gyur pa'i 'gro ba rnams/
/'khor ba sdug bsngal rgya mtsho'i pha rol son/
/kun mkhyen yid bzhin nor bu myur thob shog/
ye dharmA:he tu pra bha wA he tunte ShAn ta thA ga to hya pa data/te ShAnytsa yo ni ro dha e waM bA dI mahA shra ma NaH// maMgalaMbhawantu//