[A:302]ཞིང་ཉམས་སུ་བླངས་པ་ལས་གྲུབ་པ་བརྙེས་ཤིང་རིག་པ་འཛིན་པའི་ས་ལ་བཞུགས་སོ༎
དེའི་ཚེ་སློབ་དཔོན་དེས་ལུང་བསྟན་པར་མཛད་པ་ནི། ཇི་སྐད་དུ། དགོངས་འདུས་ལས
རིན་ཆེན་མཆོག་ཁྱོད་ཚེ་རབས་ལེགས་སྨོན་མཐུས༎
དིང་སང་འདི་ཚུལ་མ་འོངས་སྙིགས་མ་སོགས༎
རྒྱུད་ནས་བརྒྱུད་མར་སྙིང་རྗེས་ལུས་ལེན་པ༎
རྒྱལ་བའི་ལུས་ཅན་གངས་ཅན་འགྲོ་བ་རྣམས༎
རྣམ་པ་དུ་མས་སྐྱོང་ཞིང་འབྱུང་བ་ཡང༎
དུས་ཚིགས་དྲུག་ཅུ་ཁར་ལ་བབ་པའི་ཚེ༎
རོང་སྟོན་ཆོས་ཀྱི་འབྱུང་གནས་ཞེས་བྱར་གྲགས༎
འགྲོ་བའི་དོན་མཛད་རྒྱལ་བའི་བསྟན་པ་འཛིན༎
གཙུག་ལག་རྟེན་གསོ་དགོངས་པ་མཁའ་ལྟར་ཁྱབ༎
རྨད་དུ་བྱུང་བའི་བཤེས་གཉེན་དམ་པའོ༎
ཞེས་གསུངས་སོ༎
དེའི་འཕྲོས་གོང་མ་དེར། ལོ་ཙྪ་བ་ཆེན་པོ་བཻ་རོ་ཙཱ་ན་ས་སྐྱ་པཎྜི་ཏར་ལུང་བསྟན་ནོ༎
དོན་འདི་ཉིད་ལ་ཡིད་ཆེས་པའི་རྒྱུ་མཚན་གཞན་ཡང་དུ་མ་མཐོང་སྟེ། ཁོ་བོ་ཅག་གི་རྗེ་བཙུན་དམ་པ་འདི་ནི་སློབ་དཔོན་དེས་མཛད་པའི་བསྟན་བཅོས་གསང་བ་སྙིང་པོ་ལ་ཆེས་ཤིན་ཏུ་ཐུགས་ཆེས་པར་མཛད། སློབ་དཔོན་དེའི་མཁན་པོ་ཞི་བ་མཚོའི་ཞབས་ལ་ཐུགས་ལེགས་པར་དད། སློབ་དཔོན་དེས་ཕྲིན་ལས་བསྐྱངས་པའི་གཙུག་ལག་ཁང་དང་དགོན་པའི་ས་ཕྱོགས་དེ་ཉིད་དུ། སྨོན་ལམ་གྱི་དབང་གིས་དགེ་འདུན་གྱི་སྡེ་ཆེན་པོ་བཙུགསགཙུགས་ནས་ཕྲིན་ལས་སྐྱོང་བར་མཛད་དོ༎
1.1.2
གྲུབ་ཆེན་གཞན་གྱིས་ལུང་བསྟན་པའི་ཚུལ།
གཉིས་པ་ནི། རྩོད་པ་ཐམས་ཅད་དང་བྲལ་བའི་མཁས་པ་ཆེན་པོ་ཀཱ་མ་ལ་ཤི་ལ་མཚན་ཉི་མ་ལྟར་གྲགས་པ་དེ། ལྷ་ཁྲི་སྲོང་ལྡེ་བཙན་གྱིས་བོད་ཡུལ་དུ་སྤྱན་དྲངས། ལྟ་བ་ངན་པ་སུན་ཕྱུང། དབུ་མའི་བསྟན་བཅོས་