[A:54]བཙུན་བཟང་གསུམ་གྱི་ཡོན་ཏན་སྤྱིར་མངའ་བ་ལས། དེའི་ནང་ནས་ཀྱང་མཁས་པའི་ཡོན་ཏན་ཉིད་གཙོ་ཆེ་བ་ཡིན་ཏེ། ཐེག་པ་སྤྱི་དང་གསང་སྔགས་རྒྱུད་སྡེ་བཞི་པོའི་ཆོས་ལུགས་རང་གི་བརྒྱུད་པ་གོང་མ་ལས་གང་བྱོན་པ་དེ་ཉིད་ལ་ལྷད་ཞུགས་པ་དང་མ་ཞུགས་པའི་དབྱེ་བདབྱེད་སོ་སོར་མཁྱེན་ནས་ལྷད་མ་ཞུགས་པ་རྣམས་ལ་ཉམས་སུ་ལེན་པ་དང། ཕྱག་ལེན་མཛད་ཅིང། སྤྱིར་རང་ལུགས་ལ་རྒོལ་བའི་ཕྱིས་བྱུང་གི་ཆོས་རྣམས་དང། རང་ལུགས་འདྲེས་ཅན་རྣམས་ཀྱང་འདོར་བ་ལ་ཐུགས་ཀྱི་དཔྱོད་པ་ཤིན་ཏུ་ཞིབ་ཅིང་གཞན་ཕྱོགས་སུན་འབྱིན་པའི་ལུང་དང་རིགས་པའི་སྤོབས་པ་མི་ཟད་པ་དང་ལྡན་པའི་ཕྱིར་དང། མང་དུ་གསན་པ་རྒྱ་མཚོའི་དབུས་ན་བཞུགས་པའི་ཕྱིར་ཞེས་གསུང་ངོ༎
ཡང་བཤེས་གཉེན་དམ་པ་བཟད་པ་བློ་གྲོས་རྒྱ་མཚོ་དང། དམར་སྟོན་རྱ་མཚོ་རིན་ཆེན་ནི། ་མང་དུ་གསན་ནས་དབེན་པ་ལ་དགྱེས་པ། ངེས་འབྱུང་དང་སྐྱོ་ཤས་ཀྱི་ལམ་ནས་མཐའ་ཡས་པའི་སེམས་ཅན་གྱི་སྡུག་བསྔལ་མི་བཟོད་པར་མཆི་མ་འཁྲུག་སྙིགས་དུས་ཀྱི་ཉན་བཤད་ཀྱི་ཚུལ་སྙིང་པོ་མེད་པར་གཟིགས་ཤིང་བསྟན་པ་ལ་ཕན་པའི་རྣམ་དཔྱོད་ཅན་རེ་རེ་ཙམ་ལས་མ་བྱུང་ཡང་ཟབ་རྒྱས་ཀྱི་སྡེ་སྣོད་འཆད་པ་ལ་འགྲུས་པ་མི་ལྷོད་པའི་བཤད་ཉན་དེ་ལྟ་བུ་ལ་ཡིད་རབ་ཏུ་སོང་ངོ༎
རང་རེ་ཡང་དེ་ལྟ་བུར་སྨོན་པ་ཡིན་ཞེས་སྔོན་གྱི་དུས་སུ་ཡང་ཡང་གསུང། དེ་དག་ལ་འདི་སྐད་ཅེས།
མཐོ་དང་གཙང་མའི་རིགས་འཁྲུངས་ཏེ༎
བསླབ་སྦྱངས་ཡོན་ཏན་མཐར་ཕྱིན་པ༎
དེ་ཚེ་ལུང་དང་རྟོགས་པ་ཡིས༎
སྐུ་གསུང་ཐུགས་ཀྱི་བང་མཛོད་བརྙེས༎
ཡོན་ཏན་ཀུན་གྱི་རྩ་བ་ནི༎
དགེ་བའི་བཤེས་སུ་ཐག་བཅད་ནས༎
མཉམ་པར་འཇོག་ལས་མི་གཡེལ་ཞིང༎
བསྟན་ལ་བགྱི་བ་རྒྱུན་མི་འཆད༎
ཆོས་ཀྱི་སྦྱིན་པའི་ཟོལ་གྱིས་ནི༎
རྙེད་པ་དང་ནི་བཀུར་སྟི་དང༎
འཁོར་བསྡུ་པ་ཡི་བསམ་པ་དང༎
གཞན་ལ་ཕྲག་དོག་བསམ་མི་མངའ༎
བསླབ་པ་གསུམ་གྱིས་ཉེར་ཕྱུག་ཅིང༎
ལུང་དང་རིགས་པ་མང་པོ་ཅན༎
རྟག་ཏུ་གཞན་ལ་ཕན་དགོངས་པའི༎
བཤེས་གཉེན་དམ་པ་འདི་ཡིན་ནོ༎
3
གསུམ་པགཉིས་པ་བསྟན་པ་ལ་བགྱི་བ་ཇི་ལྟར་མཛད་པའི་ཚུལ་ལ།
3.1
ཉན་བཤད་ཇི་ལྟར་མཛད་པའི་ཚུལ། 3.2
དེའི་འཛིན་གྱི་སློབ་མ་ཇི་ལྟར་བྱུང་བ། 3.3
རྗེས་ཀྱི་དགོངས་པ་ཇི་ལྟར་གང་བ་རྣམས་སོ༎
3.1
དང་པོ་ལ། 3.1.1
མཚན་ཉིད་ཐེག་པའི་ཆོས་ཇི་ལྟར་གསུངས་ཚུལ་དང། 3.1.2
སྔགས་ཀྱི་ཐེག་པའི་ཆོས་མདོ་ཙམ་གསུངས་ཚུལ་ལོ༎
3.1.1
དང་པོ་ནི། སྤྱིར་རྗེ་བཙུན་དམ་པ་འདིས་རང་ལོ་ཉེར་བརྒྱད་པ་ནས་བདུན་ཅུ་རྩ་གསུམ་པའི་བར་ཀ་ཆེན་བཞི་པོ་གཙོ་བོར་གཞག་པའི་སྡེ་སྣོད་ཀྱི་ཆོས་རྣམས་གཞུང་ཚུགས་པར་གསུངས། དེ་ནས་ཀྱང་བརྒྱད་ཅུ་ནམ་བཞེས་ཀྱི་བར་འདུལ་བ་མདོ་རྩ་བ་དང། མདོ་སྡེའི་རྒྱན་དང། སྤྱོད་འཇུག་ཚད་མ་རྣམ་རྣམ་འགྲེལ་རྣམས། ཆོས་ཐོག་གཅིག་གཉིས་ཙམ་སྦྲེལ་ནས་གསུངས་ཤིང། གཞན་ཡང་ཉམས་ལེན་གྱི་ཆོས་རྣམས་གསུངས་སོ༎
དེ་ནས་བརྒྱད་ཅུ་རྩ་བདུན་པའི་བར་དུ་འགྲོ་བ་ལ་ཕན་པའི་དབང་དང་ཁྲིད་ཀྱི་རིམ་པ་རྣམས་གཙོ་བོར་གསུངས་སོ༎
དེ་ཡང་ཅུང་ཟད་ཕྱེ་སྟེ་བཤད་ན། རྗེ་ཉིད་ཀྱི་རང་ལོ་ཉེར་བརྒྱད་པ་ནས་སུམ་ཅུ་པའི་བར། ལ་སྟོད་བཟང་ལྡན་གྱི་ཆོས་གྲྭར། རྣམ་འགྲེལ་དང་རིགས་གཏེར། མངོན་པ་གོང་མ་གསུམ་ལ་གཉན་བཤད་མཛད། རྣམ་འགྲེལ། རྒྱུད་བླ་མའི་གོ་?ཨིག་ཐུགས་ཡུལ་དུ་བསྒྲིགས་ནས་བསྙེལ་མི་སྲིད་པའི་ཚུལ་གྱིས་བྱང་བར་མཛད། དུས་དེར་དབེན་པ་ལ་དགའ་བའི་གཏམ་མཛད་ཀྱིན་ཡོད་པའི་ཚེ། རྗེ་རོང་ཆེན་པ་དབུས་ནས་ས་སྐྱར་ཕེབས་དུས་ཀྱི་ཞལ་ལྟས་ཕྱག་ཕྱིར་ཁྲིད། སྣར་ཐང་ནས་བཟུང་སྟེ་ཟུར་ཆོས་པ་ལོ་གསུམ་མཛད། དེའི་ཚེ་རྗེ་རིན་པོ་ཆེའི་ཕྱག་ཕྱིར་བཞུགས་པའི་ཀ་བཅུ་པ་དཀར་ནག་ཁྲ་གསུམ་ཞེས་གྲགས་པ་དང། རོང་ཆུང་ཡེ་ཤེས་རྒྱལ་མཚན་ཞེས་གྲགས་པའི་མཁས་པ་ཆེན་པོ་དང། དུས་ཕྱིས་བྱམས་ཆེན་རབ་འབྱམས་པར་གྲགས་པ་ལ། དུས་དེ་ཙམ་ནས་སྐྱོག་པོ་ཀ་བཞི་པར་གྲགས་པ་སོགས་མཁས་པ་