[A:59]ཆོས་འབྲེལ་རེ་ཙམ་དང་ལུང་ཐོབ་རེ་ཙམ་བྱས་པ་མ་ཡིན་གྱི། གཞུང་ལུགས་ཕྱོགས་རེ་ལ་བསླབ་སྦྱངས་ཤེས་རྒྱུད་ལ་ཤིན་ཏུ་གཤིན་པར་བྱས་པ་དག་ཡིན་པས། བསྟན་པའི་རྒྱུན་ལ་ཕན་པའི་བཤེས་གཉེན་གྲངས་མེད་པ་དག་བྱོན་པ་ནི་ངོ་མཚར་བསམ་གྱིས་མི་ཁྱབ་བོ༎
འོན་ཀྱང་ཕྱི་རབས་པ་སྤྲོ་བ་བསྐྱེད་པའི་ཕྱིར།
3.2.1
བསྟན་འཛིན་གྱི་བཤེས་གཉེན་དང་3.2.2
མི་ཆེན་གྱི་སློབ་མའི་གྲངས་མདོ་ཙམ་བརྗོད་པ་ནི།
3.2.1
ཆོས་ལུང་ཚོགས་པའི་མཁན་པོ་བཤེས་གཉེན་བཟང་པོ་དང། ཉི་མ་རྒྱལ་མཚན་པ་ནི་དྲུང་ཉིད་དུ་སྡེ་སྣོད་ཀྱི་བསླབ་སྦྱངས་མཐར་ཕྱིན་པར་མཛད་ཅིང། སྣེའུ་གདོང་གོང་མ་དང། འབྲི་ཁུང་རིན་པོ་ཆེའི་བླ་མར་གྱུར་ནས། ཁྲི་བསྐོར་བཅུ་གསུམ་གྱི་བདག་པོ་ཀུན་གྱིསགྱི་ཕྱག་བྱ་བའི་གནས་སུ་གྱུར་པ་དང། ཡང་ཚོགས་པ་དེའི་མཁན་རབས་ལྔ་ཙམ་གྱིས་ཆོས་འབྲེལ་ཞུས་ནས་ཞབས་རྡུལ་སྤྱི་བོར་བླངས་པ་དང། གསང་ཕུ་ནེའུ་ཐོག་ཏུ་ལོ་ཆེན་གྱི་གདན་སར་ཕེབས་པའི་བཤེས་གཉེན་གྲགས་པ་རྒྱལ་མཚན་དང། ཟུར་ཆེན་དུ་བྱོན་པའི་ཉན་པོ་བ་ཆོས་ཀྱི་རྣམ་རྒྱལ་དང། ཁྲུ་ཕུ་བ་སངས་རྒྱས་བཟང་པོ་རྣམས་ནི། དྲུང་ཉིད་དུ་བསླབ་སྦྱངས་མཐར་ཕྱིན་ཞིང་མཁས་པའི་གྲགས་པ་ཐོབ་ནས། གྲྭ་ས་དེ་ཉིད་དུ་ཉན་བཤད་ཡུན་རིང་དུ་མཛད་དོ༎
ཡང་བྱམས་ཆེན་རབ་འབྱམས་པར་གྲགས་པ་ཆོས་ཀྱི་རྗེ་སངས་རྒྱས་འཕེལ་དང། ཀ་བཅུ་པ་ནག་པོར་གྲགས་པ་དཔལ་གཞོན་དང། རོང་སྟོན་ཡེ་ཤེས་རྒྱལ་མཚན་རྣམས་ནི། ་རྗེ་ཉིད་ཟུར་ཆོས་པ་མཛད་པའི་དུས་སུ་ཕར་ཚད་ཀྱི་བསླབ་སྦྱངས་རགས་པ་མཛད་པའི་སློབ་མ་ཡིན་ཞིང། བཤེས་གཉེན་ཕྱི་མ་གཉིས་པོ་འདིས་ཀྱང་ཉན་བཤད་རྒྱུན་རིང་དུ་མཛད་དོ༎
མངའ་རིས་ནས་གཞི་སྡེ་མཁྱེན་རབས་པར་གྲགས་པ་དང། རྭ་དབོན་ཆོས་རྗེར་གྲགས་པ་གཉིས་ནི། དྲུང་ཉིད་དུ་བསླབ་སྦྱངས་མཐར་ཕྱིན་པར་མཛད་ཅིང། བཞི་སྡེ་བ་ནི་མངའ་རིས་སྟོད་ཀྱི་དགེ་འདུན་གྱི་སྡེ་ཆེན་པོའི་བདག་པོར་གྱུར་པ་དང། རྭ་དབོན་ནི། མདོ་སྔགས་དང་རིགས་པའི་གནས་ཀྱི་མཁྱེན་རབ་རྒྱ་མཚོའི་ཕ་རོལ་དུ་སོན་ནས། མངའ་རིས་