[A:221]འཆད་ཉན་ལ་འབད་རྩོལ་བྱས་ནས་དམིགས་སུ་གཞལ་བའི་རེ་བ་ཅན་ཡོད་པ་ཀུན་ཀྱང་སྔོན་ལ་འདས། ད་ནི་སྤྲུལ་པ་མང་པོ་བྱེ་བ་ཕྲག་བརྒྱ་ཡིས་རང་ཞིག་གལ་ཆེ་བར་སྣང་ཞེས་ཅོང་དབྱངས་དང་བཅས་གསུངས་པའི་མཐར། སྤྱན་པར?བར་སྣང་ལ་ཁྲོལ་གཟིགས་དང་བསྟུན་ཧའི་ཡ་ཆ་འདུག་གོ་གསུང། ཕྱག་སེ་གོལ་ཏོག་ཏོག་གནང་ནས་ད་ནི་ཆོས་ཐུན་དེ་རིངས་པ་ཡིན་ནམ། ཆོས་ལ་དུས་ཚོད་མེད་ན་བན་རྒན་འཆལ་པ་ཨེ་ཡིན། ངེད་རང་བསེར་མའི་རྣམ་པ་ཞིག་ཀྱང་འདུག་ཨ། ཞེས་སོགས་གོང་ལྟར་འབྱུང་ངོ༎
དེར་སློབ་དཔོན་རྣམ་པ་ཚོས་བཀྲ་ཤིས་བརྩེགས་པར་ཞབས་དྲུང་དུ་ཕེབས་སྐབས་སྒོར་གཟིམས་དཔོན་རྣམ་རྒྱལ་བ་དང་མཇལ་བས། ད་ལྟ་བྱ་རྒོད་ཕུང་པོ་ནས་ཕེབས། བཀྲ་ཤིས་བརྩེགས་པའི་བཞུགས་གདན་ཁར་ཕེབས་འཕྲལ་བཞུགས་གདན་ལ་བཞུགས་མ་ཐག་པཎ་ཆེན་ཉིད་ཀྱི་ཕྱག་གཡོན་པ་དེ་བརྐྱང་ནས། ཐུབ་པའི་ཕྱག་ནི་ཤིང་བལ་ལྟར་འཇམ་དང། ག་ན་ཕྱག་ཐོང་དང་གསུང་ནས་ཕྱག་འཐེན་གཏོང་མི་ཡོད་པའི་ཉམས་ཤིག་མཛད་ཀྱི་འདུག་པ་དེ་ཀའི་མོད་ལ་བསྙུང་བའི་ཚུལ་ཅུང་ཟད་ཙམ་བསྟན་བྱུང་ཟེར། ནང་དུ་སློབ་དཔོན་རྣམ་པས་ཕེབས་པས། ཕྱག་གཡོན་པས་སྤོས་ཤེལ་གྱི་ཕྱག་ཕྲེང་སྐོར་གཅིག་ལ་འདྲེན་ཚུལ་དང། ཕྱག་གཡས་པས་སྤྱན་གཉིས་ཀྱི་སྨིན་མཚམས་བར་ལ་རེག་ནས་དེ་ཝ་པི་ཙུའི་བཟླས་པ་ཞིག་གནང་གིར་འདུག་ཅིང། དེ་འཕྲལ་གསོལ་ཇ་ཐོན་བྱུང་བས་ཅི་ཡང་མི་གསུང་བར་ཕྱག་གིས་སློབ་དཔོན་ཚོ་ལ་དྲོངས་ཀྱི་བརྡ་ཆོས་གནང། ཇ་གྲོལ་རྗེས་རང་སློབ་དཔོན་ཚོས་བཞེངས་ནས་བྱོན། ཁམས་པ་འཚོ་བྱེད་གསར་པ་ཅིག་གསེར་མདོག་ཅན་ན་ཡོད་པས། གསོལ་སྨན་ཐུན་ཅིག་ཡོད་པ་ཕུལ་བ་བཞེས་པས། སྐུ་འཁྲིས་སེལ་ཕྱིར་གྱི་རྣམ་པས་དབུའི་བསྙུང་བའི་ཚུལ་དེ་འཕྲལ་ལ་ཆག། གཞན་བསྙུང་བ་སོགས་གང་