[A:༩༥བ-༣༨༠] ལྷགས་སོ་ཞེས་སྙན་དུ་གསོལ་བའི་ཚེ། ད་ལྟ་ཉིད་དུ་ཁོ་བོའི་རྗེ་བཙུན་ཆེན་པོའི་བཀའི་ཕོ་ཉ་བ། བདག་ཡུན་རིང་དུ་གནས་པར་གྱིན་ཤིག་ཅེས་བཀའ་གནང་བའི་ཕྲིན་ལས་པ་དག་མྱུར་དུ་ཐོང་ཞིག ཁྱོད་རྣམས་ཀྱི་བྱེད་པ་འདི་ལྟ་བུ་ན། ཁོ་བོ་མྱ་ངན་ལས་འདས་ནས་ཞག་གཅིག་གི་བར་དུའང་གཞན་མ་ལ་གསང་མི་འཆོར་བའི་ལུགས་སུ་མི་འདུག། རྒྱལ་བའི་དབང་པོ་ཀརྨ་པ་ཆོས་གྲགས་རྒྱ་མཚོ་མྱ་ངན་ལས་འདའ་བའི་ཚུལ་བསྟན་ནས་ལོ་གསུམ་གྱི་བར་དུ་བཞུགས་ཡོད་ཅེད་པའི་སྐུ་མཚམས་བཅད་རྒྱའི་ར་བ་ལས་ནམ་དུའང་མ་བརྒལ་ཞིང། སྤྲུལ་པའི་སྐུ་བཀའི་ལུང་ལས་བསྩལ་བ་བཞིན་ཡོངས་སུ་མངོན་དུ་གྱུར་པ་ན། ལྷ་དང་བཅས་པའི་འགྲོ་བ་ཐམས་ཅད་ཀྱི་དཔལ་མགོན་དུ་གྱུར་པ། འཇིག་རྟེན་པ་རྣམས་ལ་ཡོངས་སུ་གྲགས་པར་འགྲོ་བ་ཐམས་ཅད་དུ། འདྲེན་པ་མཆོག་ཉིད་མྱན་ངན་ལས་འདའ་བའི་ཚུལ་བསྟན་ཏོ། །ཞེས་གྲག་གྲགས་ནའང། ངེད་རང་གིས་འཁོར་དུ་གཏོགས་པ་ཁྱོད་རྣམས་ཀྱིས་ཞག་གཅིག་གི་བར་དུ་གསང་བར་ཡང་མི་ཐུབ། ད་ནི་ཁོ་བོའི་བླ་མ་མཆོག་གི་བཀའ་ཇི་ལྟ་བུར་སྩལ་བ་ལ་རྩེ་ཅིག་ཏུ་འདུན་པ་གཏོད་སྡོད་པར་འདུན་པས། དགས་དྭགས་པོ་འཚོ་བྱེད་མྱུར་དུ་འདིར་ཤོག་ལ། ཁོ་བོའི་ཁམས་ཇི་ལྟར་འདུག་གི་ལུང་སྟོན་པ་སྨྲོས་ཤིག་ཅེས་བཀའ་ཕེབས་དུས། དགས་དྭགས་པོ་འཚོ་བྱེད་པས། ད་ནང་སྔ་དྲོའི་