[A:༩༧ན-༣༨༣] ༄༅། །ལས་མཁན། །དེ་ཡང་ངེས་འབྱུང་གཏམ་གྱིས་རང་བསྐུལ་བས། །རང་གི་ངེས་འབྱུང་བསམ་སྦྱོར་མཐར་ཕྱིན་ནས། །མི་གནས་མྱ་ངན་འདས་པའི་གོ་འཕངས་མཆོག།།མྱུར་དུ་ཐོབ་ནས་འགྲོ་བ་སྒྲོལ་གྱུར་ཅིག།།ཅེས་པ་གནང་དེ་ཉིད་ནས་གཟུང་སྟེ་ངེས་འབྱུང་ལ་བསྐུལ་བའི་གསུང་འབའ་ཞིག་དྲུང་དུ་བྱུང་ངོ་ཅོག་ལ་བཀའ་སྩལ། ལོ་དེ་ཉིད་ཀྱི་ནང་དུ། ཐམས་ཅད་མཁྱེན་པ་སྤྱན་པཎ་ཆེན་རིན་པོ་ཆེའི་བཀའ་ལས། ངེད་ཀྱིས་བདེ་ཆེན་ཡངས་པ་ཅན་དུ་རྒྱུད་སྡེའི་བཞིའི་དཀྱིལ་འཁོར་གྱི་སྒྲུབ་མཆོད་གཏོས་ཆེ་བ་ཞིག་འཛུགས་པའི་མཆོད་ཐེབས། དཔོན་ས་གོང་མ་ཆེན་པོ་སྦྱོར་བ་མཛད་བྱུང་བ་འཛུགས་རྩིས། དཀྱིལ་འཁོར་ཕལ་ཆེ་བའི་མངོན་དཀྱིལ་གྱི་རྩོམ་པ་གྲུབ་ཅིང། ད་དུང་ཀྱང་རྩོམ་པའི་འཕྲོ་འཐུད་པ་ལ་དབང་གལ་ཆེ་བར་བྱུང་བས། གཙོ་བོར་གཉག་དབོན་རིན་པོ་ཆེས་མཛད་པའི་དམར་ནག་དཀྱིལ་འཁོར་དྲུག་གི་དབང་གཙོ་བོར་གྱུར་བའི་དཀྱིལ་འཁོར་གྱི་ཞལ་གྲངས་ཐོ་རྩེར་ཕུལ་བ་ལྟར། སྔར་གསན་གྲུབ་ན་རབ། མ་གྲུབ་ན། བརྒྱུད་ཁུངས་བཙུན་པ་ལས་གསན་པ་གནང་ཏེ། དུས་སྦྱར་ལ་སྤྱན་འདྲེན་ཞུ་མིི་བཏང་ཆོག་པའི་གསལ་ཕེབས་ཞུ་ཞེས་པ་ལ་རྟེན། དབང་གི་བརྒྱུད་ཁུངས་འཚོལ་བའི་དགོངས་པ་གཏད། ཇི་ལྟར་བཞེད་པ་མ་ཚང་བ་མེད་པ། ཆོས་རྗེ་རིན་པོ་ཆེ་འཕགས་དབོན་ཀློང་