[A:༩༩ན-༣༨༧] ༄༅། །དབུས་སུ་ཕེབས་ཏེ། དཀའ་བཅུ་པ་ཁྱེད་ཀྱི་ལམ་དུས་དེ་ཆག་འདུག་པ་ད་མ་ཆག་པར་ལེན་པ་ལེགས་ཕེབས་པ། ཚོགས་ཀྱི་གདན་སའི་ཁུར་བླངས་པ་ནས་གཡེང་བས་བཙེས་པའི་ཕྱི་ཤོལ་དུ་ལུས་པ་ཞིག་བྱུང་བ། ད་ནི་མངོན་རྟོགས་ལུས་དཀྱིལ་དབང་ཆོག་སོགས་ཐམས་ཅད་བརྗེད་པའི་རྣམ་པར་འདུག་པས་ལེན་མི་ཐུབ་པ་འདུག་ཞུས་པའི་ཚེ། དེ་འདྲ་མཛད་པས་མི་ཡོང། ངེད་ཀྱིས་གསོ་ཡི། དེང་ནས་ལེན་པ་དང་ལེགས་ཕེབས་ཏེ་ལམ་དུས་གསོས་པའི་ཐུགས་ཉམས་དང། དེ་མ་ཐག། དཀའ་བཅུ་པས་ལམ་དུས་མ་ཆག་པ་རང་མཛོད་ཅིག་གསུང་ཞིང་ནམ་མཁའ་ལ་འཇའ་ཡལ་བ་ལྟར་གྱུར་པའི་མོད་ལ་མནལ་སད་དེ། དེ་ཀ་མོད་ལམ་དུས་བཞེས་པས། ཆོ་ག་རྣམས་གསལ་བར་ཇི་ལྟ་བ་བཞིན་ཐུགས་ལ་བྱུང་སྟེ། དེ་ཉིན་ནས་གཟུང་སྟེ་ཐོ་རངས་ཀྱི་ཆ་ལ་ལམ་དུས་བཞེས་ཐུབ་པ་ཅིག་མ་བྱུང་ན། དེ་མ་ཐག་མནལ་ལམ་དུ་ཛོ་གི་རེ་ཡོངས་པའི་བརྡ་ངེས་པ་ཅན་འབྱུང་བས། ཕྱིས་ལམ་དུས་འདི་འཆག་པའི་ཐབས་མི་འདུག་བཀའ་གནང། དུས་དེར་ཆོས་ཐམས་ཅད་ཀྱི་གནས་ལུགས་སེམས་ཅན་གྱི་རྒྱུད་ལ་ཡོད་པའི་ངེས་པ་བརྟན་པོ་གསལ་འདེབས་པའི་ཚིག་མ་མོ་སུམ་བཅུ་པ་ལས་བརྩིས་པའི་ཚིགས་སུ་བཅད་པ་གནང་བ་འདི་ལྟ་སྟེ། ན་མོ་གུ་རུ་རཏྣ་