[A:༡༠༢ན-༣༩༣] ༄༅། །དབེན་པ་གསུམ་གྱི་ལམ་གྱི་རིམ་པ་ལ་དཀྲི་བར་མཛད་ནས། བསམ་གཏན་གྱི་ཁང་པར་མཉམ་པར་འཇོག་པར་མཛད་པ་ན། རྒྱུན་དུ་གསོལ་ཁྲུང་སོགས་ཀྱི་སྟབས་ལས་སྐུ་ལུས་ཐམས་ཅད་ཆབ་ཀྱིས་མེར་པོར་སོང་བས། ཞབས་འབྲིང་བ་རྣམས་སྐད་ཆ་ཐོས་པ་ཙམ་གྱིས་སེམས་ཡཻད། ཡིད་ཆེས། ཡེ་ཤེས་སོར་གྱུར་པ་ན། སླར་ཚེས་ཉི་ཤུའི་གསུང་ཆོས་ཐུན་སྤོང་བ་ལ་ཐེགས་པའི་ཚེ། རྗེ་ཉིད་ཀྱི་བཀའ་ལས་སྡེ་པ་སྦྱོར་དྲུག་ནར་མོ་ཅིག་མཛད་དམ་སྒོར་མོ་ཅིག་མཛད། གྲུབ་བཞི་ཅིག་མཛད་དེ་རིང་སང་གཉིས་ཉིད་རང་གི་ཕྱག་ན་འདུག་གོ་ཞེས་བཀའ་སྩལ་བ་ཙམ་གྱིས་ཐུགས་དད་གཡོས་པའི་སྤྱན་ཆབ་རྒྱུན་ཆེར་བས། སླར་ཡང་བསམ་གཏན་ཁང་བུར་ཏིང་ངེ་འཛིན་ལ་མཉམ་པར་བཞག་པ་ལས། རོ་རྐྱང་གི་རླུང་ཌཱུ་ཏཱིར་བཙན་ཐབས་སུ་ཆུད་པའི་ཐུགས་ཉམས་འུར་བའི་ཚེ། འཚོ་བྱེད་པས་བདག་ལ་མྱུར་དུ་ཤོག་ཤིག་ཅེས་བརྡ་སྤྲད་པ་ན་སེམས་འཐོར་འགྲོ་བ་ལྟ་བུར་གྱུར་ཏེ། ཞབས་དྲུང་དུ་ནི་རྒྱུ་མཚན་ཅི་ཕུལ་ཀྱང་དགོངས་པ་ཁྲོལ་བ་ཞིག་མ་བྱུང། སྡེ་པ་ནི་སྐུའི་ཆ་ཐམས་ཅད་ཆབ་ཀྱིས་གང་སྟེ། ཞབས་རྡོ་རྗེ་སྐྱིལ་ཀྲུང་བསྣོལ་བའི་ལུས་གནད་དཀྲོལ་བ་ན་འཇིམ་པ་ལ་རྗེས་དོད་པ་ལྟར་བྱུང་བས། ད་ནི་ཤིན་ཏུ་མཉེལ་བ་ཞིག་ཡོད་དམ་སྙམ་སེམས་ཧད་དེར་གྱུར་ཙ་ན། བཀའ་ལས། སྡེ་པའི་སྐུ་གནད་