[A:༡༠༢བ-༣༩༤] གྲོལ་ཡོད་པའང་སྲིད་མྱུར་བར་རྒྱུག་བཀའ་ཕེབས་པས་སེམས་ཐེ་ཚོམ་གྱུར་པའི་མོད་ལ་ཕྱིན་པས། འཚོ་བྱེད་ན་རེ། ངེད་རང་གི་ཐོག་པ་གཉིས་ཕྱིར་འཆོར་བའི་གྲབས་བྱུང་ཟེར་བ་ལ། བདག་གིས་ཐོས་པའི་གཏམ་ལ་སྙན། ད་དེ་ངེད་རང་ཚེ་སྐྱིད་པོ་བྱས་ཆོག་པ་ཡོང་ངོ་བྱས་ཏེ་རིངས་པར་ཕྱིན་ཙ་ན། དཔོན་གཡོག་གཉིས་སྒོ་དྲུང་དང་ཉེ་བར་ཕེབས་འདུག། ད་དུང་ཐུགས་ཉམས་མ་སད་འདུག་པ་ལ་སྒོ་ཕྱེ་བས་ཐུགས་དྲན་སད་དེ། མ་དྲན་པའི་ངང་ཇི་ལྟར་ཡིན་ཀྱང་འདི་ལྟར་གྱུར་འདུག། ད་ཁྱེད་ཀྱིས་གཟན་དམར་པོ་དེ་ལོང་ཕེབས། བདག་གི་སྒོམ་ཁང་དུ་ཕྱིན་པས། གཟིམས་ཐུལ་བཞུག་གདན་སོགས་ཆབ་ཀྱིས་ལྡབ་ལྡབ་པོར་གྱུར། སྐུའི་ཆ་ཤས་སྐམ་ཞིང་ཕྲ་ལ་ལྤགས་ཆུང་གི་རྣམས་པའང་བུད་པས་ཤིན་ཏུ་མཛེས་ཤིང་སྲིན་བལ་ལྟར་གཉེན་ལྕུག་དང་ལྡན་པར་གྱུར་པས། སླད་ནསཀྱང་བླ་ལྷག་ཏུ་ཐུགས་དད་སོས་ཏེ་སྤྱན་ཆབ་གསིལ་བ་དང་མཉམ་དུ། ཁོ་བོ་རྩེ་ཞབས་དྲུང་འགྲོ་བའང་ཁོང་གི་བཀའ་དྲིན་ཡིན། རྐེ་ན་བའང་ཁོང་གི་བཀའ་དྲིན་ཡིན། འདིར་སླེབས་ནས་རྐང་པ་ན་བའང་ཁོང་གི་བཀའ་དྲིན་ཡིན་ཞེས་གསུང་ཞིང། ཐོག་མར་ཞལ་མཇལ་ཙམ་ཉིད་ནས་ཞལ་རས་ཀྱི་དཀྱིལ་འཁོར་མངོན་དུ་གྱུར་པ་ཙམ་གྱིས་དད་པའི་སྤུ་ལོང་གཡོས་པའི་སྐྱེ་བ་སྔ་བ་ནས་རྗེས་སུ་གཟུང་བའི་ཡོངས་འཛིན་ཡིན་པར་གོར་མ་ཆག་ཅེས་ལན་གཅིག་ཙམ་མིན་པར་གསུང། ད་ནི་ཁོ་བོའི་ལུས་