[A:93a-375] / /re shig bzhugs/ mu tig sku skye ba sogs la rjes gnang gi tshogs du ma dang/ rje btsun ma sgrol dkar mo spyan bdun ma'i sgrub thabs las tshogs/ jo bo rje'i rgya gzhung la brten pa'i dbang / gzhan yang zab mo gcod kyi gdams pa pho gcod mo gcod gter ma'i skor sogs khrid lung gi rim pa gnang te/ slar dar lung dben pa'i nags khrod du phebs te/ DA ki ras chen pa dpon slob byon/ bdag cag rnams kyi mngon du ma gyur pa'i gsung chos mtha' dag pa gsan zhes ras chen pa nyid kyis 'phros kyang gsung/ mngon du gyur pa ni/ mo gcod gter ma'i skor tshang ba dang/ ma gcig grub pa'i rgyal mo nas brgyud pa'i tshe dpag med la brten pa'i smin byed kyi dbang gi skor dang/ gral byed lam gyi rim pa sogs kyis tshims par mdzod de/ phyis rtsa ri chung bar grags pa zangs mtsho la phyir thegs/ de nas yun mi ring ba na zhig po nyi ma seng ge'i dbon brgyud chos rje rdor grags pa dpon slob mang dag phebs/ rje nyid kyi drung du/ gsang 'dus mi bskyed pa gtso bor gyur pa'i rgyud sde chen po bzhi'i dbang/ rdo rje'i phreng ba'i dbang gi rim pa slob dpon a bha ya ka ras mdzad pa dang/ gzhan yang gcod yul skor ma tshang ba med pa/ phyag rgya chen po'i ngo sprod bde bar gshegs pa'i bka' dri ma med pa'i lung gi rgyab