[A:96b-382] sngon chad skye rga na 'chi'i sdugs bsngal myong/ /'chi ba'ang myur du 'ong ba shes bzhin du/ /rmi lam sgyu 'dra'i tshe 'di'i snang ba la/ /zhen pa bskyung bar rigs so snyom las mkhan/ /yun ring bdas drag skul rba klong can/ /gting mtha' mi mngon srid pa'i dug mtsho las/ /myur du thar ba'i thabs la mi 'bad par/ /khyod snying lhun po lags so snyom las mkhan/ /'jig rten mthun 'jug 'jig rten pa rang mkhas/ /dam chos bshad nyan mkhas grub rnams kyis mdzad/ /long pas gzhan gyi mig bu byed lo bas/ /rang rgyud gyong po thul zhig snyom las mkhan/ /de'ang gang zhig gang gis ji ltar 'dul/ /legs par brtags na ring ngan ma mchis pas/ /mtshan ma'i spros pa kun gyis dben pa yis/ /blo 'das ngang du zhog cig snyom las mkhan/ /sems can 'di kun tshe 'di'i pha ma dang/ /drin gzo'i yul du khyad par 'ga' ma mchis/ /byed dgu gzhan gyi don du bya ba yi/ /bsam pa'i khur chen khyer zhig snyom las mkhan/ /gzhan skyon rtog las rang gi nyes 'phel bas/ /ma dag gzhan gyi nyes pa mi bsam par/ /gzhan gyi dge ba phra rags thams cad la/ /yi rang dga' ba sgom shig snyom las mkhan/ /kha zas bzang yang dug dang 'dres gyur na/ /lus 'tsho'i sman du mi 'gyur ji bzhin du/ /rang la chos brgyad 'dres pa'i skyon 'dug na/ /de'ang ring du spongs shig snyom las mkhan//