[A:97a-383] / /las mkhan/ /de yang nges 'byung gtam gyis rang bskul bas/ /rang gi nges 'byung bsam sbyor mthar phyin nas/ /mi gnas mya ngan 'das pa'i go 'phangs mchog//myur du thob nas 'gro ba sgrol gyur cig//ces pa gnang de nyid nas gzung ste nges 'byung la bskul ba'i gsung 'ba' zhig drung du byung ngo cog la bka' stsal/ lo de nyid kyi nang du/ thams cad mkhyen pa spyan paN chen rin po che'i bka' las/ nged kyis bde chen yangs pa can du rgyud sde'i bzhi'i dkyil 'khor gyi sgrub mchod gtos che ba zhig 'dzugs pa'i mchod thebs/ dpon sa gong ma chen po sbyor ba mdzad byung ba 'dzugs rtsis/ dkyil 'khor phal che ba'i mngon dkyil gyi rtsom pa grub cing/ da dung kyang rtsom pa'i 'phro 'thud pa la dbang gal che bar byung bas/ gtso bor gnyag dbon rin po ches mdzad pa'i dmar nag dkyil 'khor drug gi dbang gtso bor gyur ba'i dkyil 'khor gyi zhal grangs tho rtser phul ba ltar/ sngar gsan grub na rab/ ma grub na/ brgyud khungs btsun pa las gsan pa gnang te/ dus sbyar la spyan 'dren zhu mii btang chog pa'i gsal phebs zhu zhes pa la rten/ dbang gi brgyud khungs 'tshol ba'i dgongs pa gtad/ ji ltar bzhed pa ma tshang ba med pa/ chos rje rin po che 'phags dbon klong