[A:103a-395] / /'di rnem na yod par snang zhing/ gzhan ma lus yod pa snyam gtan nas mi 'byung ba 'dug ces ngo mtshar ba'i ltas mang po'i zhal ta gnang/ de nas bdag gis/ rje drung du phyin te dpon g.yog gnyis kyi thugs nyams 'bar ba rnams kyi skad cha phul ba na/ sku mtshams bcad rgya gnang khar/ dpal 'byor brtan nas mchod yon drung du snyan bskul dang/ bum thal sbyor ba'i 'phrod rten gnang lugs sogs kyi skabs su/ sku rtsed kyi rnam pa'i tshul 'di dag kyang gnang ste/ nga sgro ba ngan te lung thag bzang/ gegs sel thal ba la re ba'i bla ma nga min zhes ku re'i tshul gnang zhing/ da de mi rgan gyi bsam pa'ang rdzogs pa byed dgos shes bka' stsal ba ltar/ zhabs 'bring na 'khod pa kun gyis ngal ba mtha' dag sos te bde ba'i dga' ston 'ba' zhig gis 'tsho bar gyur to/ /de nas zlab dang po'i bar du dben gnas de nyid du thugs bag phab ste/ sor bsam sku rdo rje bsnyen pa'i yan lag/ srog 'dzin gsung rdo rje sgrub pa'i yan lag te yan lag dang po bzhi rang rang gi rtags tshad ji lta ba bzhin rdzogs pa'i tshul gyis myong khrid du thugs nyams su bstar zhing/ de dag gi tshe ngo sprod skabs su gang dang gang bab/ sangs rgyas zhal 'di gang gi thugs dang zhal la gnas par gyur pa de ni dpal ldan bla ma'o/ /